ဘ၀တွေအကြောင်းကို တစ်ပုံကြီးတွေ့ရမဲ့ အသက်မပြည့်သေးသူများမကြည့်သင့်တဲ့ Series ကောင်းလေးတစ်ခုကိုတင်ဆက်ပေးလိုက်ပါတယ်။Series ရဲ့နာမည်ကတော့ Beauty In Blackဖြစ်ပြီး လက်ရှိ IMDb Rating 5.0 အထိရရှိထားပါတယ်။လူဖြူလူမည်းခွဲခြားမှုဆိုတာ ဟိုးအရင်ဘိုးဘေးဘီဘင်ခေတ်ကတည်းက အခုထက်ထိကိုမဆုံးနိုင်သေးသလို အနာဂတ်မှာလည်ပြီးဆုံးဦးမဲ့ပြဿနာမဟုတ်ပါဘူး။အထူးသဖြင့်ဖိနှိပ်ခံရတာတော့လူမည်းတွေပါပဲ။အမေရိကန်မှာလူမည်းဆိုရင် အမျိုးသားဖြစ်ဖြစ်အမျိုးသမီးဖြစ်ဖြစ် အမြဲတမ်းအနှိမ်ခံဘ၀မှာရှင်သန်နေရတာများတဲ့အတွက် အဲ့ဒီအကြောင်းတွေကိုအရင်းပြုပြီး လူမည်းအမျိုးသမီးတစ်ယောက်ရဲ့ဘ၀အကြောင်းကိုစိတ်ဝင်စားစရာကောင်းအောင်ပုံဖော်ရိုက်ကူးထားတာပဲဖြစ်ပါတယ်။ကင်မီဆိုတဲ့လူမည်းအမျိုးသမီးက အသက် ၁၈ နှစ်ပြည့်ခါနီးမှာတင်အမေဖြစ်သူကစွန့်ပစ်သွားတာကိုခံခဲ့ရတဲ့အတွက် ဘာလုပ်ရမှန်းသိလမ်းပျောက်နေခဲ့ပြီး လမ်းပေါ်မှာတင်သူနဲ့ဘ၀တူ ရိန်းဆိုတဲ့ကောင်မလေးနဲ့တွေ့ခဲ့ပါတော့တယ်။ဒီလိုနဲ့ဘ၀ကြမ်းတဲ့သူတစ်ယောက်ပိုက်ဆံရှာဖို့တွေ့သမျှအကုန်လုပ်ရင်းလေဆိပ်မှာမူးယစ်ဆေးရောင်းတာမိသွားလို့သူတို့ကိုကယ်ပေးထားတဲ့ဂျူးစ်ဆိုတဲ့အဖော်အချွတ်ကလပ်ပိုင်ရှင်လက်အောက်မှာ အလုပ်လုပ်ရင်း အဖော်အချွတ်မယ်တွေဖြစ်လာခဲ့ကြပါတော့တယ်။ရိန်းကတော့ဘ၀ကိုအဖော်အချွတ်မယ်ပဲလုပ်ပြီး ဒီအတိုင်းရေစုန်မျောသွားချင်ပေမဲ့ ကင်မီကတော့ဒီဘ၀ကနေရုန်းထွက်ချင်သူတစ်ယောက်ဖြစ်ပါတယ်။ဒီလိုနဲ့သူငယ်ချင်းနှစ်ယောက် ကိုယ်ရဲ့အိပ်မက်တွေကိုပြည့်၀အောင်ကြိုးစားရင်းနဲ့ တွေ့ကြုံလာရမဲ့အခက်အခဲတွေ ကူရာကယ်ရာမဲ့တဲ့ဘ၀တွေနဲ့ လူမည်းအမျိုးသမီးတစ်ယောက်အနေနဲ့ ရိုးရိုးသားသားကြိုးစားပြီးအောင်မြင်ချမ်းသာတဲ့အမျိုးသမီးတစ်ယောက်ဖြစ်လာနိုင်ပါ့မလားဆိုတဲ့ရသမျိုးစုံကိုရှုစားရမဲ့ Series ကောင်းလေးတစ်ခုပဲဖြစ်ပါတယ်။