BL ဇာတ်ကားကြည့်သူတိုင်း မစိမ်းလောက်မယ့် Ohm ရဲ့ ဇာတ်ကားသစ် ထွက်ရှိလာပါပြီ။ထူးထူးခြားခြား ဇာတ်အိမ်လေးနဲ့မို့ ခံစားကြည့်ရှုနိုင်အောင် ဘာသာပြန်တင်ဆက်ပေးလိုက်ရပါတယ်။ဇာတ်လမ်းအကျဉ်းကတော့.. နှလုံးရောဂါသည် ညီလေးကို တစ်ယောက်တည်း စောင့်ရှောက်နေတဲ့ အစ်ကိုကြီး မင်။လူစားထိုးစတန့်သမားအနေနဲ့ အလုပ်လုပ်နေပေမဲ့ ဆေးရုံစရိတ်နဲ့ နေစရိတ် စားစရိတ်နဲ့မို့ ပြေလည်လှတယ် မရှိပါဘူး။ဒီလိုနဲ့ တစ်ချီတည်း ပိုက်ဆံများများရမယ့် ပြန်ပေးဆွဲသမားအလုပ်ကို လက်ခံလိုက်ပါတော့တယ်။ခိုင်းတဲ့အတိုင်း ပြန်ပေးဆွဲပေးပြီး ပိုက်ဆံယူပြီး လစ်ဖို့အကြံပါပဲ။ဒါပေမဲ့ အလုပ်အပ်တဲ့သူက သူပြန်ပေးဆွဲလာတဲ့လူကို သတ်ပေးဖို့ပါ ပြောလာတဲ့အခါ…။မှန်းချက်နဲ့ နှမ်းထွက်မကိုက်တဲ့ မင်တစ်ယောက် သူပြန်ပေးဆွဲလာတဲ့ကောင်လေးနဲ့ရှေ့ဆက် ဘယ်လိုနှစ်ပါးသွားမလဲဆိုတာ ကြည့်ရမှာပဲဖြစ်ပါတယ်။