၁၉၆၆ ခုနှစ် အမေရိကန်နိုင်ငံ ဘယ်လ်တီမိုးမြို့ရဲ့ကျေးဇူးတော်နေ့မှာကလေးငယ်တစ်ယောက်ပျောက်ဆုံးရာကနေစတင်ပြီးအမျိုးသမီးနှစ်ဦးရဲ့ဘဝတွေ ပတ်သက်ဆက်နွယ်မိကြပုံကိုရိုက်ကူးပြသထားပါတယ်။မင်းသမီး Natalie Portman သရုပ်ဆောင်ပေးထားတဲ့မတ်ဒီဆိုတဲ့အမျိုးသမီးဇာတ်ကောင်ဟာ အတိတ်ကလျှို့ဝှက်ချက်တစ်ခုကိုကြိုးစားဖုံးကွယ်နေတဲ့ ဂျူးအိမ်ထောင်ရှင်မတစ်ဦးဖြစ်သလိုစုံစမ်းစစ်ဆေးရေးသတင်းသမားတစ်ဦးဖြစ်ချင်တဲ့အိပ်မက်ရှိသူပါတစ်ချိန်တည်းမှာပဲကလီယိုဆိုတဲ့လူမည်းအမျိုးသမီးကတော့လူမည်းအခွင့်အရေးအတွက်နိုင်ငံရေးလှုပ်ရှားမှုမှာပါဝင်ရင်းမိသားစုစားဝတ်နေရေးအတွက် ခက်ခက်ခဲခဲရုန်းကန်နေရသူဖြစ်ပါတယ်။အစပိုင်းမှာ သူတို့နှစ်ဦးရဲ့ဘဝတွေက သီးခြားစီလို့ထင်ရပေမယ့်ကလီယိုရဲ့ထူးဆန်းစွာသေဆုံးမှုကို မတ်ဒီတစ်ယောက်အစွဲအလမ်းကြီးလာတဲ့အခါမှာတော့ သူတို့ပတ်ဝန်းကျင်မှာရှိတဲ့လူတွေအားလုံးကိုအန္တရာယ်ဖြစ်စေနိုင်တဲ့စိတ်ဝမ်းကွဲမှုကြီးတစ်ခုဖြစ်ပေါ်လာခဲ့ပါတော့တယ်။Lady In The Lake ဟာ မှုခင်း Thriller ဇာတ်လမ်းကောင်းတစ်ခုတင်မကဘဲ အိပ်မက်တွေအတွက် အမျိုးသမီးတွေမထင်မှတ်ဘဲပေးဆပ်လိုက်ရတဲ့တန်ဖိုးတွေအကြောင်းကိုပါရိုက်ကူးပြသထားတာဖြစ်ပါတယ်။