အခုတစ်ခါမှာတော့ အချစ်ဟာသကာလေးကို တင်ဆက်ပေးပါတော့မယ်။ဒီကားထဲက ဇာတ်လိုက်ကတော့ Mohabbatein ထဲက ရှာရွခ်ခန်းနဲ့အတူတွဲဘက်သရုပ်ဆောင်သွားတဲ့ ကျောင်းသားလေးယောက်ထဲက တစ်ယောက်ပဲဖြစ်ပါတယ်။အချစ်စစ်တို့မည်သည်ဖြောင့်ဖြူးသည်ဟူ၍မရှိဆိုသည့်အတိုင်း ဒီဇာတ်ကားလေးမှာလည်းအချစ် အလွမ်း ဟာသ စတဲ့ရသပေါင်းစုံကို ခံစားရမှာဖြစ်ပါတယ်။ဇာတ်ညွှန်းကိုပြောရမယ်ဆိုရင် တစ်ခါတုန်းကပေါ့ကွာ ဒို့ရွာမှာ ဂျနယ်လ်ဆိုတဲ့နို့ပို့သမားကောင်လေးတစ်ယောက်ရှိတယ်။ သူစုထားတဲ့ငွေလေးနဲ့ အာမန်းဆိုတဲ့ကောင်မလေးတစ်ယောက်ကို တင့်တောင့်တင့်တယ်ထားပြီး ထိမ်းမြားလက်ထပ်ချင်နေသတဲ့…။သူရည်ရွယ်တဲ့အမျိုးသမီးဟာ သူ့ကို မချစ်မနှစ်သက်လို့ ငြင်းဆိုသတဲ့…။ဒီအချိန်မှာရသမျှအလုပ်ကို နေရာမချန်လုပ်ရင်းနဲ့ ရည်ရွယ်သူက ခေါင်းငြိမ့်လာခဲ့ပါတယ်။သို့ပေမယ့် ကံခွေသူအလား ကံကြမ္မာက ကျီစားလာတဲ့အခါမှာတော့ဘယ်လိုတွေအလွဲလွဲဖြစ်လာမလဲဆိုတာကိုတော့ ရယ်တစ်လှည့် ဆွေးတစ်လှည့်နဲ့ ခံစားကြည့်ရှုပေးပါဦးနော်…။