ပလတ်စတစ်ဆာဂျရီဆရာဝန်ရာ့ဂျ်တစ်ယောက်ကတော့ မိန်းမရှိရက်သားနဲ့ ကောင်မလေးတွေနဲ့ရှုပ်တဲ့နေရာမှာတော့ ဆရာတစ်ဆူပါပဲ။တစ်နေ့မှာတော့ မာယာဆိုတဲ့ ကောင်မလေးနဲ့ စားသောက်ဆိုင်တစ်ခုမှာ ဒိတ်ရင်းကနေ စတန့်ထွင် ဆေးတွေပါသုံးရင်းနဲ့အရှိန်တွေလွန်ပြီး ရာ့ဂျ်အိမ်အထိပါ ရောက်လာကြပါတော့တယ်။ဒီလိုနဲ့ အချစ်နယ်ကျွံနေကြတဲ့အချိန်မှာပဲ ရာ့ဂျ်မိန်းမ မယ်ဒါက ပြန်လာမယ်ဖုန်းဆက်တဲ့အခါမှာ ခိုးစားကြတဲ့သူတွေရဲ့ ထုံးစံအတိုင်းမာယာ့ကို ပြန်ခိုင်းရင်း ရာ့ဂျ်တစ်ယောက် သူတို့ရှုပ်ထားတာတွေ ရှင်းပါတော့တယ်။ဒီလိုနဲ့ ရှင်းပြီးသွားတဲ့နောက်မှာ မာယာဟာ မပြန်သေးဘဲ မီးဖိုချောင်ထောင့်လေးမှာ ငုတ်တုတ်လေးအိပ်နေတာကိုတွေ့သွားတဲ့ရာ့ဂျ်ဟာ ဇွတ်ပြန်ခိုင်းဖို့ လုပ်ရင်းနဲ့ပဲ မာယာဟာ အိပ်နေတာမဟုတ်ဘဲ ဆေးလွန်ပြီး သေဆုံးသွားကြောင်းကိုရာ့ဂျ်တစ်ယောက်သိလိုက်ရပါတော့တယ်။ အဲဒီမှာပဲ အိမ်ကို အချိန်မရွေး ပြန်လာတော့မဲ့ မိန်းမမသိအောင်မာယာရဲ့အလောင်းကို ဘယ်လိုဖုံးဖိထားမလဲ …… မယ်ဒါကရော ဒီကိစ္စကို ရှာတွေ့သွားမှာလား ……ရာ့ဂျ်တစ်ယောက် အလောင်းတစ်ခုနဲ့ ဘာတွေဆက်ဖြစ်သွားဦးမလဲ ……ဆိုတာတွေကို သည်းထိတ်ရင်ဖိုဆန်ဆန် ကြည့်ရှုရမဲ့ ဇာတ်ကားကောင်းလေး တစ်ပုဒ်ပဲ ဖြစ်ပါတယ်။