ဇာတ်လမ်းကတော့ Stanley Cooper ဆိုသူက သော့ဆိုင်တစ်ခုကို လည်ပတ်လုပ်ကိုင်နေတဲ့သူပါ။ ထုံပေပေနဲ့ဆိုပေမယ့် စိတ်ထားက ရိုးသားဖြောင့်စင်းပါတယ်။ သူ့မိန်းမဖြစ်သူ Maureenကတော့သူ့ကိုမချစ်ပါဘူး။ သူ့ရဲ့ သေသွားတဲ့အရင်ယောကျ်ား JR ဆိုတဲ့သူကိုပဲ တမ်းတမ်းစွဲဖြစ်နေပြီး Stanley နဲ့ တစ်ချိန်လုံး နှိုင်းယှဥ်နေခဲ့ပါတယ်။ မသာယာတဲ့ သူတို့ နှစ်ယောက်ရဲ့ အိမ်ထောင်ရေးထဲကိုမြို့ခံဖြစ်တဲ့ Johnny Rocket ဆိုတဲ့ ဒုစရိုက်အလုပ်နဲ့ ချမ်းသာနေတဲ့ သူဌေးကြီး ရောက်လာပါတယ်။Johnny ဘက်က Stanley နဲ့ မိတ်ဆွေဖြစ်အောင် ချဥ်းကပ်လာခဲ့ပါတယ်။ တစ်နေ့မှာ မိန်းမဖြစ်သူကအကြိမ်ကြိမ် သူ့ကိုမတော်တဆမှုနဲ့ သေအောင် ကြံစည်နေကြောင်း သိလိုက်ရတဲ့အခါမှာ Stanley တစ်ယောက် Johnny Rocketဆီ ရောက်သွားခဲ့ပြီး မိန်းမကို သတ်ပေးဖို့ အကူအညီတောင်းခဲ့ပါတယ်။အဲ့နောက်မှာ ဆက်ဖြစ်သမျှကတော့ ရုပ်ရှင်ထဲကအတိုင်းပါပဲ။