The Way Back HD

The Way Back

Drama History Adventure HD 2010-11-22 6.969 133 Min

ဒီရုပ်ရှင်ကို ဒါရိုက်တာ Peter Weirက နာမည်ကြီး ဝတ္ထု The Way Backရဲ့ စာရေးဆရာ ပိုလန်လူမျိုး reporter Slavomir Rawicz ရဲ့ကိုယ်တွေ့ဖြစ်ရပ်ကိုမှ နောက်ခံဇာတ်ကောင်တွေထပ်ထည့်ပြီးရိုက်ကူးထားတာပါ။ Jim Sturgess, Colin Farrell, Ed Harris နဲ့ Saoirse Ronan တို့လို နာမည်ကြီးတွေ ဦးဆောင်ပါဝင်ထားပါတယ်။ Oscar nominationကို Best makeupနဲ့ဝင်ခဲ့ပေမယ့် The Wolfmanကို ရှုံးသွားခဲ့ပါတယ်။ ဒုတိယကမ္ဘာစစ်အတွင်း ပိုလန်နိုင်ငံကို ဆိုဗီယက်ကျူးကျော်ထားစဥ်မှာ စစ်အရာရှိငယ် Janusz Wieszczekက ဖမ်းဆီးထိန်းသိမ်းခံရပါတယ်ဆိုဗီယက်တွေက သူ့ရဲ့အမျိုးသမီးကိုပါ ခေါ်ယူရိုက်နှက်စစ်ဆေးပြီး Januszကို စပိုင်လို့ အမည်တပ်ကာ နိုင်ငံရေးအကျဥ်းသားတွေကို ဖမ်းဆီးပြီး အလုပ်ကြမ်းအတင်းခိုင်းစေတဲ့ စနစ်ဖြစ်တဲ့ Gulaကိုကျင့်သုံးနေတဲ့ Siberiaက campတစ်ခုဆီပို့လိုက်ပါတယ်။ ရာသီဥတုက အင်မတန်အေးပြီး ဆိုးလွန်းတဲ့အထဲ အလုပ်ကြမ်းတွေမနားလုပ်ရပါတယ်။နှင်းကိုက်ဒဏ် ထောင်သားအချင်းချင်း နှိပ်စက်ဒဏ်စတဲ့မျိုးစုံခံရတဲ့အခါမှာ ထွက်ပြေးဖို့စည်းရုံးလူစုကာ နှင်းမုန်တိုင်းထန်တဲ့ တစ်ညကို အခွင့်အကောင်းယူပြီး ထွက်ပြေးလာခဲ့ပါတယ်။ Siberiaကနေ တရုတ်ပြည် တိဗက် ဟိမဝန္တာတောင်တန်းတွေနဲ့အိန္ဒိယအထိ လွတ်လပ်မှုဆီ မိုင်ပေါင်း ၄၀၀၀ကို ခြေကျင်လျှောက်သွားခဲ့ပါတယ်။ လမ်းခရီးတစ်လျှောက် ကြုံရတဲ့ အခက်အခဲတွေကတော့ ရုပ်ရှင်အရသာပျက်မှာစိုးလို့ မပြောတော့ပါဘူး။နိုင်ငံရေးနောက်ခံdrama/adventure ရုပ်ရှင်ကားကောင်းမို့လို့ မလွတ်တမ်းကြည့်သင့်တဲ့ကားမျိုးဖြစ်ပါတယ်။