Family Ties FHD

Family Ties

Drama FHD 2006

၂၀၀၆ ခုနှစ်မှာ ထွက်ရှိခဲ့ပြီး ဆုပေါင်းများစွာ ရရှိခဲ့တဲ့ "Family Ties" ဆိုတဲ့ ကိုရီးယား Drama ဇာတ်ကားလေးထဲမှာတော့ မင်းသမီးကြီး Moon So-ri၊ Go Doo-shim၊ မင်းသား Uhm Tae-woong နဲ့ မင်းသမီး Gong Hyo-jin, Jung Yu-mi တို့ရဲ့ အကောင်းဆုံး သရုပ်ဆောင်ချက်တွေကို တွေ့မြင်ကြရမှာပဲ ဖြစ်ပါတယ်။သွေးသောက် ပတ်သက်မှုထက် မတူညီတဲ့ ပတ်ဝန်းကျင်၊ မတူညီတဲ့ ဘဝနောက်ခံတွေကနေ သံယောဇဉ်ကြိုးနဲ့ ငြိတွယ်ပြီး မိသားစုလို ဖြစ်လာကြသူတွေရဲ့ ဇာတ်လမ်းသုံးခုကို လှပစွာ ယှက်နွယ် ရေးဖွဲ့ထားတာပါ...။မထင်မှတ်ဘဲ အိမ်ပြန်ရောက်လာတဲ့ မောင်ဖြစ်သူက အသက်ကြီးကြီး အမေအရွယ် အမျိုးသမီးတစ်ယောက်ကို မိန်းမအဖြစ် ခေါ်လာတဲ့အခါ...၊ အချစ်နဲ့ ပတ်သက်ရင် ဒဏ်ရာအနာတရတွေ များခဲ့လို့ မေတ္တာတရားကို သံသယဝင်နေတတ်တဲ့ ကောင်မလေးတစ်ယောက်ရဲ့ ဘဝထဲကို ကလေးတစ်ယောက် တံခါးမခေါက်ဘဲ ဝင်ရောက်လာတဲ့အခါ...။သွေးမတော် သားမစပ်ပေမဲ့ ကြင်နာမှု၊ နားလည်မှုတွေနဲ့ အတူတူ ရုန်းကန်ရင်ဆိုင်ကြရင်း မိသားစုဆိုတဲ့ အဓိပ္ပာယ်ကို ဖော်ထုတ်ပြသွားကြတာဖြစ်ပါတယ်...။လူတိုင်းရဲ့ ရင်ထဲကို နွေးထွေးမှု၊ ထိရှလွယ်မှုတွေနဲ့ စီးဝင်သွားစေမယ့်အပြင် "မိသားစု" ဆိုတာ ဘာလဲဆိုတာကို ပြန်လည်တွေးတောစေမယ့် Family Ties ဆိုတဲ့ ဇာတ်ကားလေးကို ရင်ထဲထိအောင် ကြည့်ရှုခံစားကြည့်လိုက်ကြပါဦးနော်။