The One I Love FHD

The One I Love

ဒီရုပ်ရှင်ကုန်ကျစရိတ်က ခန့်မှန်း ဒေါ်လာ ၁ သိန်းဝန်းကျင်ပဲရှိခဲ့ပါတယ်။ ဒါပေမဲ့ ဒီရုပ်ရှင်ရဲ့ အဆင့်အတန်းက တော်တော်လေးကိုမြင့်ပါတယ်။ Psychological Thriller / Sci-Fi/ Romance/ Drama ကို အကုန်ရောထားတာဖြစ်ပြီး ရုပ်ရှင်မှာ သရုပ်ဆောင်က ၂ ယောက်ပဲ အဓိကပါပါတယ်။ အဲဒီ ၂ ယောက်တည်းနဲ့ တစ်ကားလုံးကို ဆွဲခေါ်သွားပြီး ကြည့်တဲ့လူ “ဟာ…ဟင်” ဖြစ်သွားစေမယ့် ရုပ်ရှင်မျိုးပါ။ Low Budget ရုပ်ရှင်ဆိုပေမဲ့ နာမည်ကျော်မင်းသား Mark Duplass နဲ့ နာမည်ကျော်မင်းသမီး Elisabeth Moss တို့က အပြိုင်သရုပ်ဆောင်ထားတာမလို့ တော်တော်လေးကို ကြည့်လို့ကောင်းပါတယ်။ နောက်တစ်ခုထူးခြားချက်က ရုပ်ရှင်က ၁၀ မိနစ်ကျော်လောက်ရှိသေးတယ် စပြီးတော့ စိတ်ဝင်စားဖို့ကောင်းနေတာပါပဲ။ ၁၀ မိနစ်ကစလို့ ရုပ်ရှင်အဆုံးထိ လုံးဝမပျင်းရအောင် ဆွဲဆောင်နိုင်တဲ့ ရုပ်ရှင်မလို့ ကြည့်ကိုကြည့်သင့်ပါတယ်။ ဇာတ်ညွှန်း အီသန်နဲ့ ဆိုဖီတို့ရဲ့ အိမ်ထောင်ရေးက မသိမသာကနေ သိသိသာသာကြီး ပျက်စီးလို့နေပါပြီ။ ဒါပေမဲ့ ခွာပြဲမယ့် ကိစ္စမျိုးကို နှစ်ယောက်လုံးက မလိုလားတာကြောင့်မလို့ အိမ်ထောင်ရေး အတိုင်ပင်ခံတစ်ယောက်နဲ့ တိုင်ပင်ပြီး သူ့ရဲ့ ညွှန်ကြားချက်ကြောင့် သီးသန့်အပန်းဖြေအိမ်တစ်ခုကိုသွားဖို့ ဆုံးဖြတ်ခဲ့ပါတယ်။ အဲဒီကိုရောက်ရောက်ခြင်းညမှာပဲ ဆိုဖီနဲ့ အီသန်တို့ရဲ့ အိမ်ထောင်ရေး ပန်းကလေးက ပြန်လည်ဖူးပွင့်လို့လာခဲ့ပါတယ်။ ဒါပေမဲ့ အဲဒါက ဆိုဖီဘက်ကအမြင်ပေါ့လေ။ အီသန်ဘက်က အမြင်ကတော့ အီသန်က အိမ်ထဲမှာအိပ်နေခဲ့တာပါ။ ဆိုဖီနဲ့ ညက စကားတောင်မပြောခဲ့ဘူး။ ဒါတင်ပဲလားဆိုတော့ မဟုတ်သေးဘူး အီသန်ကလည်း ဆိုဖီဆီမှာ ထူးခြားတာတွေကိုမြင်လာရတယ်။ နောက်တော့ သူတို့ သိလိုက်ရတာ သူတို့ဟာ ရှင်းမပြနိုင်တဲ့ သဘာဝလွန်ဖြစ်ရပ်တွေကို ကြုံနေရတယ်ဆိုတာပါပဲ။ ဆိုဖီနဲ့အီသန်က ဒီကိစ္စကဘာလဲဆိုတာ လိုက်ပြီးတော့ နားလည်ဖို့ကြိုးစားရင်း ဖြေရှင်းလို့မရတဲ့ အရှုပ်ထဲကို ရောက်သွားပါတော့တယ်။ ဘာတွေဆက်ဖြစ်မှာလဲဆိုတာကို ခံစားကြည့်လိုက်ကြပါခင်ဗျာ။