ဝိုင်းယက်ဘေလီဟာ သူ့အမေကို ဘယ်သူသတ်သွားလဲဆိုတာ သိချင်တဲ့ ရည်ရွယ်ချက်တစ်ခုတည်းနဲ့ ခရစ္စမတ်သစ်ပင်ခြံထဲက လူသူကင်းဝေးတဲ့ တဲတစ်လုံးဆီ သွားနေခဲ့ပါတယ်။ အဲဒီမေးခွန်းအတွက် အဖြေသိနိုင်တဲ့ တစ်ဦးတည်းသောလူက သူ့အဖေပဲဖြစ်ပြီး၊ ဝိုင်းယက်က သူ့အဖေကို ပလတ်စတစ်နဲ့ပတ်ပြီး ကားနောက်ခန်းထဲမှာ ဝှက်ထားခဲ့ပါတယ်။ အဲ့ဒီအဖြေကိုသိချင်စိတ်ပြင်းပြလှတဲ့ ဝိုင်ယက်ဟာ သူ့အဖေရဲ့ ဝိဉာဉ်နဲ့စကားပြောဖို့ စိတ်ကိုပြောင်းလဲစေတဲ့ ဆေးတစ်မျိုးဖြစ်တဲ့ DMT ဆေးကို သုံးခဲ့မိချိန်မှာတော့ သူ့ဘ၀ရဲ့အမှတ်တရတွေ၊ ကြေကွဲစရာတွေ၊ စိတ်ဒဏ်ရာတွေဟာ တစ်လှည့်စီပြန်ပေါ်လာပြီး သူ့စိတ်ကိုကောင်းကောင်းနှိပ်စက်ပါတော့တယ်။အဲ့ဒီအမှတ်တရများစွာထဲမှာ စုန်းမတွေ၊ သူ့ဘ၀ရဲ့အချစ်ဆုံး မိန်းကလေးဖြစ်တဲ့ ကိုရာ၊ ပြီးတော့ သူ့အဖေရဲ့ဝိဉာဉ်တွေပါ ပါဝင်ပြီး အဲ့ဒီစိတ်ထင်ယောင်မှားမှုတွေကြားက သူဘယ်လိုရုန်းထွက်ရမလဲ? သူလိုချင်တဲ့ အဖြေကိုရှာတွေ့မှာလား? ဒါမှမဟုတ် ပိုမှောင်တဲ့ အမိုက်တိုက်ထဲ ခုန်ချသက်ဆင်းမိမလား ဆက်လက်ရှုစားကြပါ။