မင်းသမီးချောလေး အိုင်ရှ်ဝါယာ လက်ရှ်မီးရဲ့ ဇာတ်ကားသစ်လေး ထွက်ရှိလို့လာခဲ့ပါပြီ။ ခင်ပွန်းဖြစ်သူ မရှိတော့တည်းက နောက်အိမ်ထောင်မပြုဘဲ သမီး၂ယောက်ကို ပြုစုပျိုးထောင်လာခဲ့တဲ့ အာရှာ။ ထုတ်မပြောပေမဲ့ အတိတ်ကဖြစ်ရပ်တွေကြောင့် စိတ်ဒဏ်ရာအတော်လေးများခဲ့တော့ စိတ်အရမ်းဆတ်တဲ့ အမေတစ်ယောက်ပေါ့။ သွားတဲ့နေရာတိုင်းမှာ စကားမများတာမရှိ စိတ်မရှည်တဲ့လူဖြစ်လာခဲ့တယ်။ တစ်နေ့မှာတော့ မူးပြီးမောင်းလာတဲ့ လူမိုက် ၂ယောက်နဲ့ ပြဿနာတက်ခဲ့ရာကစပြီး အာရှာ့ထုံးစံအတိုင်း လွယ်လွယ်နဲ့ပြီးမှာကို ရေးကြီးခွင်ကျယ်နဲ့ ရုံးရောက် ဂတ်ရောက်တွေ ဖြစ်ကုန်တာပေါ့။ ဒီကနေစလိုက်တဲ့ပြဿနာက အာရှာ့ဘဝမှာ ဘာတွေပြောင်းလဲလာမလဲ။ ထင်မှတ်မထားတဲ့ ကံကြမ္မာကြောင့် ဘာတွေဆက်ဖြစ်သွားမလဲ။