၂၀၂၆ ခုနှစ် စက်တင်ဘာလမှာ VOD Digital Platform တွေမှာ ထွက်ရှိခဲ့တဲ့ ဗြိတိန် Gothic Horror-Thriller (ဂေါသစ် သဘာဝလွန် သွေးပျက်ဖွယ်) ရုပ်ရှင်ကားဖြစ်ပါတယ်။သားငယ်လေးရဲ့ ရှင်းပြမရအောင် ရက်စက်ကြမ်းတမ်းပြီး ဆန်းကြယ်တဲ့ဝေဒနာဆိုးကြောင့် စိတ်ဒဏ်ရာရနေတဲ့ ကားလ်နဲ့ဗနက်ဆာတို့လင်မယားနှစ်ယောက်ဟာ ဆရာဝန်တွေနဲ့ ကုသတာ၊ ဆုတောင်းတာတွေ အားလုံးမအောင်မြင်ခဲ့ကြပါဘူး။ နောက်ဆုံးအနေနဲ့ ကားလ်ဟာ အမှောင်နည်းလမ်းတစ်ခုကို စမ်းသပ်ဖို့ ဆုံးဖြတ်လိုက်ပါတယ်။ ကားလ်က ကလေးရဲ့ ခန္ဓာကိုယ်ထဲ ဝင်ရောက်ပူးကပ်နေတဲ့မကောင်းဆိုးဝါးကို ပိတ်လှောင်ထားနိုင်တယ်လို့ သတင်းထွက်နေတဲ့ "Spirit Lock" ဆိုတဲ့ ရှေးဟောင်း Pagan အဆောင်ပစ္စည်းတစ်ခုကို ရှာဖွေတွေ့ရှိသွားခဲ့ပါတယ်။သားဖြစ်သူကိုကယ်တင်ဖို့အတွက် လူသူဝေးတဲ့တောစပ်အိမ်လေးထဲမှာ အန္တရာယ်များတဲ့ယဇ်ပူဇော်မှုပြုလုပ်လိုက်ချိန်မှာတော့ ကလေးကို မကယ်နိုင်ဘဲ ပိုမိုကြီးမားပြီး ဆိုးရွားတဲ့မိစ္ဆာဆိုးကြီးက သူတို့ရဲ့ အိမ်ထောင်ရေး၊ စိတ်ဓာတ်နဲ့ဝိညာဉ်ကိုပါ ဝါးမြိုဖို့ ခြိမ်းခြောက်လာပါတော့တယ်။ဂေါသစ်စတိုင်လ် ကြောက်မက်ဖွယ်ရာမြင်ကွင်းတွေ၊ မိစ္ဆာပူးကပ်မှု၊ စိတ်ခြောက်ခြားစရာ ယဇ်ပူဇော်မှုအခန်းတွေနဲ့ အကြမ်းဖက်မှုတွေ ပါဝင်တာကြောင့် အသက် ၁၇ နှစ်နဲ့အထက်သာ ကြည့်ရှုဖို့ သင့်တော်ပါတယ်။