The Four FHD

The Four

၂၀၁၂ခုနှစ်ကရုံတင်ခဲ့တဲ့ နာမည်ကြီးသိုင်းဝတ္ထုဆရာကြီး Woon Swee Oanရဲ့နာမည်ကြီးသိုင်းဝတ္ထုကိုမှီငြိမ်းပြီးပုံဖော်ထားတဲ့ မမ Liu Yi Feiနဲ့ မင်းသားDeng Chao တို့ရဲ့သိုင်းကားကောင်းကိုပြန်လည်တင်ဆက်ပေးလိုက်ပါတယ်။ဇာတ်လမ်းကတော့ ခမ်းနားထည်ဝါလှတဲ့မြို့တော်ကြီးမှာ လူဆိုးထိန်းချုပ်ကြီးခေါင်းဆောင်တဲ့ လျို့ရှန့်မန်ရုံးတော်ကြီးဟာ ထိပ်တန်းသိုင်းပညာရှင်တွေစုစည်းရာဌာနတစ်ခုဖြစ်ပြီး အစိုးရကိုထိန်းချုပ်ထားနိုင်တဲ့သူတွေဖြစ်ပါတယ်။ အဲဒီအချိန်အတွင်း မြို့တော်မှာတရားမဝင်ငွေကြေးအတုတွေပြန့်နှံ့လာတဲ့အခါ လျို့ရှန့်မန်ရဲ့ထိပ်တန်းစုံထောက်ဖြစ်တဲ့ လန်လင်ချိဟာ သံသယရှိသူတွေကို ဖမ်းဆီးဖို့ကြိုးစားရာ ကျွေ့ယွဲ့စံအိမ်မှာ တခြားသိုင်းသမားအဖွဲ့တစ်ဖွဲ့နဲ့ အကြိတ်အနယ်တိုက်ပွဲဖြစ်သွားပါတယ်။ အဲဒီအဖွဲ့ဟာ ကျူးကယ်ကျန့်ဝေါ်ဦးဆောင်တဲ့ ရှန်ဟိုအိမ်တော်ကအဖွဲ့ဖြစ်ပြီး စိတ်စွမ်းအားနဲ့ အရာဝတ္ထုတွေကိုထိန်းချုပ်နိုင်တဲ့ မိန်းကလေးဝူချင်နဲ့ သံမဏိလက်စတဲ့စွမ်းအားရှင်တွေပါဝင်ပါတယ်။ သူတို့အဖွဲ့ဟာလဲ တရားမဝင်ငွေကြေးမှုကိုပဲစုံစမ်းနေတာဖြစ်ပါတယ်။ ကျူးကယ်ကျန့်ဝေါ်ရဲ့ရည်ရွယ်ချက်အပေါ်သံသယရှိတဲ့ လူဆိုးထိန်းခေါင်းဆောင်ကြီးဟာ လန်လင်ချိကို လျို့ရှန့်မန်ကနေထုတ်ပယ်ချင်ယောင်ဆောင်ပြီး ရှန်ဟိုအိမ်တော်ကို သူလျှိုအဖြစ်စေလွှတ်လိုက်ပါတော့တယ်။အဲဒီကနေမှတစ်ဆင့် လန်လင်ချိဟာ ဝူချင်၊ သံမဏိလက်နဲ့ ထိပ်တန်းသိုင်းသမားကျွေးမင့်တို့နဲ့ ပေါင်းစည်းသွားပြီး စုံထောက်ကြီးလေးဦးအဖြစ်သိုင်းလောကမှာကျော်ကြားလာပါတယ်။ဒါပေမယ့် လျို့ရှန့်မန်ကနေရောက်လာတဲ့ မိန်းမလှလေး ကျိယောင်ဟွားရဲ့နောက်ကွယ်က လူမသိနိုင်တဲ့ အမှောင်ထုလျှို့ဝှက်ကြံစည်မှုကြီး ကိန်းအောင်းနေပါတော့တယ်။