ပန်ချာပီရုပ်ရှင်လောကရဲ့ အအောင်မြင်ဆုံး ဟာရုပ်ရှင်တွဲတွေထဲက တစ်ခုဖြစ်တဲ့ Carry On Jatta ရုပ်ရှင်တွေရဲ့ စတုတ္ထမြောက် အဆက်ထွက်လို့လာခဲ့ပါပြီ။ Carry On Jatta ရုပ်ရှင်တွေရဲ့ ထုံးစံအတိုင်း ဂျက်စ်ရဲ့အလိမ်အညာအသေးစားလေးတွေကနေ အလွဲလွဲအမှားမှား ဖြစ်ကုန်တဲ့ ဟာသဖြစ်ရပ်တွေကို မြင်တွေ့ရမှာပါ။ ဒီစတုတ္ထမြောက်ဇာတ်ကားမှာလည်း ဂျက်စ်ဟာ မင်္ဂလာဆောင်မှာတွေ့တဲ့ ကောင်မလေးကို ချစ်ခွင့်ပန်ဖို့ကြိုးစားရင်း သူ့မိသားစုအကြောင်းတွေကို ကောင်မလေးမသိအောင်လိမ်ညာရာကနေ သူ့ရဲ့အစ်ကိုတွေဖြစ်တဲ့ ဟန်နီ၊ ဂိုလ်ဒီတို့နဲ့အတူ အလိမ်အညာပေါ် အလိမ်အညာတွေဆင့်ရင်း ရှုပ်ထွေးပွေလီတဲ့ အခြေအနေတွေအထိ ရောက်ရှိသွားကြပုံကို ဟာသမြောက်စွာ ကြည့်ရှုခံစားရမယ့် ပေါ့ပေါ့ပါးပါးရုပ်ရှင်လေးဖြစ်ပါတယ်။