ဂျန်နာဆိုတဲ့ ကောင်မလေးတစ်ယောက် ပျက်စီးယိုယွင်းနေတဲ့ စိတ်ကျန်းမာရေးဆေးရုံဟောင်းကြီးရဲ့ မှောင်မိုက်နေတဲ့ အခန်းတစ်ခန်းထဲမှာ ရုတ်တရက် နိုးလာတယ်။ နိုးလာတော့ သူမမျက်နှာမှာ ထူးဆန်းတဲ့ မျက်နှာဖုံးတစ်ခု စွပ်ထားပြီး ခန္ဓာကိုယ်မှာလည်း မင်းသမီးဝတ်စုံ ဝတ်ထားတာကို တွေ့လိုက်ရတယ်။ ဒါပေမဲ့ ဒီနေရာကို သူမ ဘယ်လိုလုပ် ရောက်လာတာလဲဆိုတာကို လုံးဝ မမှတ်မိဘူးဖြစ်နေတာပါ။ ဒီဆေးရုံကြီးထဲကနေ အသက်ရှင်လျက် လွတ်မြောက်ဖို့အတွက် သူမမှာ နည်းလမ်းတစ်ခုပဲ ရှိတယ်။ အဲဒါကတော့ နေရာအနှံ့မှာ ပုန်းကွယ်နေတဲ့ ဆန်းကြယ်တဲ့ ပုံပြင်စာအုပ်ရဲ့ စာမျက်နှာတွေကို လိုက်ရှာပြီး အန္တရာယ်များတဲ့ ပဟေဠိတွေကို ဖြေရှင်းဖို့ပါပဲ။ စာမျက်နှာတွေကို လိုက်ရှာနေတုန်းမှာပဲ ဆေးရုံစင်္ကြံတွေထဲမှာ "နဂါး" လို့တင်စားထားတဲ့ ရက်စက်တဲ့ လူသတ်သမားကြီးရဲ့ အမဲလိုက်ခြင်းကိုပါ စတင် ရင်ဆိုင်လိုက်ရတော့တယ်။ အတိတ်က မေ့နေတဲ့ လျှို့ဝှက်ချက်တွေနဲ့ စိတ္တဇ အိပ်မက်ဆိုးတွေ ရောထွေးလာချိန်မှာ ဂျန်နာတစ်ယောက် ဒီသေမင်းတမန် လက်ကနေ လွတ်အောင် ဘယ်လိုများ ရုန်းကန်မလဲဆိုတာကို သည်းထိတ်ရင်ဖို ကြည့်ရှုရမှာဖြစ်ပါတယ်.....