နာမည်ကျော် မင်းသားကြီး Al Pacino ရဲ့ သမီးဖြစ်သူ Julie Pacino က ပထမဆုံး ရုပ်ရှင်ကားကြီးဒါရိုက်တာအဖြစ် ဖန်တီးထားပြီး ၂၀၂၆ ခုနှစ် မတ်လမှာ ရုံတင်ခဲ့တဲ့ Psychological Horror / Surreal Thriller ရုပ်ရှင်ကားလေး ဖြစ်ပါတယ်။ သရုပ်ဆောင်လောကမှာ ရုန်းကန်နေရတဲ့ Rose တစ်ယောက် မထင်မှတ်ဘဲ ကိုယ်ဝန်ရသွားချိန်မှာ ချစ်သူ Travis က တာဝန်မယူဘဲ ပျောက်ကွယ်သွားခဲ့ပါတယ်။ အဆိုးဆုံးကတော့ Travis ရဲ့ သြဇာကြီးပြီး ကြွယ်ဝတဲ့မိခင်က Rose ရဲ့ ကလေးနဲ့ဘဝကို ချုပ်ကိုင်ဖို့ ကြိုးစားလာတာကြောင့် Rose ဟာ အဝေးကို ထွက်ပြေးခဲ့ရပါတယ်။ သူဟာ "The Crown Inn" လို့ခေါ်တဲ့ လူသူဝေးပြီး ပျက်စီးနေတဲ့ မိုတယ်တစ်ခုမှာ သွားရောက်ပုန်းအောင်းခဲ့ပါတယ်။ အဲဒီမိုတယ်မှာ ပုန်းနေတုန်း အချိန်နဲ့ လက်တွေ့ကမ္ဘာရဲ့ စနစ်တွေ စတင်ပြိုကွဲလာပြီး ဆန်းကြယ်တဲ့မိုတယ်ဧည့်သည်တွေရဲ့ ခြောက်လှန့်မှုတွေနဲ့အတူ Rose ရဲ့ အတိတ်က စိတ်ထဲမှာ မြှုပ်နှံထားတဲ့ စိတ်ဒဏ်ရာဆိုးတွေက အိပ်မက်ဆိုးတစ်ခုလို ပြန်လည် ခြောက်လှန့်လာပါတော့တယ်။ 80s Giallo Horror စတိုင် ဆန်းသစ်လှပတဲ့ မီးအလင်းအမှောင် ရိုက်ချက်တွေနဲ့ မိခင်ဖြစ်မှုဆိုင်ရာ စိတ္တဇ Horror အပြောင်းအလဲတွေကို ကောင်းမွန်စွာ ပုံဖော်နိုင်တာကြောင့် ရုပ်ရှင်ဝေဖန်ရေးသမားတွေဆီက ရမှတ် တော်တော်မြင့်မြင့် ရရှိထားတာဖြစ်ပါတယ်။ မိခင်ဖြစ်မှုဆိုင်ရာ စိတ္တဇစိတ်ဒဏ်ရာတွေ၊ စိတ်ခြောက်ခြားဖွယ်ရာ Surreal Horror မြင်ကွင်းတွေနဲ့ စိတ်ပိုင်းဆိုင်ရာဖိအားတွေ ပါဝင်ပါတာကြောင့် အသက် ၁၈ နှစ်နဲ့အထက်သာ ကြည့်ရှုသင့်ပါတယ်။