Wrangler FHD

Wrangler

Thriller FHD 2026

Psychological Thriller ကြိုက်သူတွေအတွက် မင်းသမီး Choi Seung Yoon နဲ့ Kim Seung Hwa တို့နှစ်ယောက်ရဲ့ ကားသစ်… ဇာတ်လမ်းအကျဉ်း… ဟာယောင်းက ခွေးတွေကို လေ့ကျင့်ပေးတဲ့ လေ့ကျင့်ရေးဆရာမတစ်ယောက်ပါ။ TV Show တွေမှာလည်း မကြာမကြာပါဖြစ်ပြီး အိမ်မွေးတိရစ္ဆာန်တွေကို လေ့ကျင့်သင်ကြားပေးရတဲ့အကြောင်းတွေကိုလည်း အမြဲဝေမျှပေးဖြစ်လို့ လူတွေ ချစ်ခင်လေးစားတာကိုလည်း ခံနေရသူပေါ့။ ကိုယ်ပိုင်လေ့ကျင့်ရေးစင်တာလေးတစ်ခုလည်း ဖွင့်ထားပြီး ခင်ပွန်းဖြစ်သူနဲ့လည်း ဆက်ဆံရေး အဆင်ပြေ… သူ့ဘဝလေး တည်ငြိမ်အေးချမ်းနေတဲ့အချိန်မှာ သူ့ရဲ့ညီမဖြစ်သူ ဆိုရာက သူ့ကို အဓမ္မပြုကျင့်ခဲ့တဲ့သူကို သတ်ခဲ့မိလို့ ထောင်ကျနေရာကနေ ထွက်လာပြီး သူနဲ့အတူလာနေပါတော့တယ်။ ဒီလိုနဲ့ပဲ ဟာယောင်းရယ် သူ့ခင်ပွန်းရယ် ဆိုရာရယ် သုံးယောက်အတူ နေဖြစ်ကြသလို ဟာယောင်းရဲ့ ခွေးလေ့ကျင့်ရေးစင်တာမှာလည်း ဆိုရာက အလုပ်လာလုပ်ပါရော… အတူနေ အတူစားဆိုပေမဲ့လည်း ဟာယောင်းနဲ့ ဆိုရာက အရမ်းအဆင်ပြေကြတာတော့ မဟုတ်ဘူး။ အတိတ်က သူတို့ကြုံခဲ့ရတဲ့ မီးလောင်မှုနဲ့ပတ်သက်ပြီး စိတ်ထဲမှာ တင်းမာမှုတွေ ကိုယ်စီနဲ့ပေါ့။ အဲဒီလိုကနေ တစ်ရက် စင်တာက အန္တရာယ်ရှိခွေးတစ်ကောင် လွတ်သွားရာကနေတစ်ဆင့် သူတို့ညီအစ်မနှစ်ယောက်ရဲ့ အတိတ်က ဖြစ်ရပ်ဆိုးတွေ စိတ်ဒဏ်ရာတွေက ပြန်ထွက်ပေါ်လာတဲ့ပုံမျိုးနဲ့ ဇာတ်ကြောင်းကို ဆက်သွားထားပါတယ်။ လျှို့ဝှက်ဆန်းကြယ် သည်းထိပ်ရင်ဖိုဇာတ်လမ်းမျိုးကြိုက်ရင် ကြည့်ရမဲ့ကားသစ်လေးပါပဲ…