ဟာသနဲ့ဇာတ်လမ်းဆန်းဆန်းလေးလည်း ကြည့်ချင်တယ်ဆိုတဲ့သူတွေအတွက် ၂၀၂၆ ထွက် မလေးယာလမ် ဇာတ်ကားသစ်လေးတစ်ကားကို တင်ဆက်ပေးလိုက်ပါတယ်။ ဇာတ်လမ်းလေးကတော့ ကန်ဂျီကူဇီ ဆိုတဲ့ ရွာလေးတစ်ရွာမှာ အာယွန် ဆိုတဲ့ လူငယ်လေး ဟာ အလုပ်အကိုင် မယ်မယ်ရရ မရှိ၊ ရွာထဲမှာလည်း နာမည်ပျက်နဲ့ အလွယ်နည်းနဲ့ လိမ်ညာပြီး ငွေရှာတတ်တဲ့ ခပ်ပေါ့ပေါ့နေတတ်သူပေါ့။ မိခင်မရှိတော့ပဲ အဖေဖြစ်သူ အဘွားဖြစ်သူတို့နဲ့ အတူ နေပါတယ်။ တစ်နေ့မှာတော့ စကားလည်း မပြော၊ လူတွေနဲ့လည်း မရောတဲ့ ခပ်အေးအေး မိန်းကလေး ဂျာနာကီ နဲ့ မတော်တဆ ဆုံကြပါရော။ မထင်မှတ်ဘဲ ဆုံတွေ့ခဲ့ကြပေမဲ့ အကြောင်းအမျိုးမျိုး ကြောင့် ဂျာနာကီ ရဲ့ စရိုက်က လုံးဝပြောင်းလဲသွားပြီး ပွင့်လင်းတက်ကြွလာရာကနေ သူတို့နှစ်ယောက်ကြား ချစ်ခြင်းမေတ္တာတွေ စတင်ခဲ့ကြပါတယ်။ ဒါပေမဲ့ ပြဿနာက အဲဒီမှာတင် မပြီးသေးပါဘူး... ရွာထဲမှာ အလွန်ထူးဆန်းတဲ့မှိုတွေ ပေါ်ထွက် လာပြီးတဲ့နောက်မှာတော့ ရွာတစ်ရွာလုံး ထူးဆန်းတာတွေ ဆက်တိုက် ဖြစ်လာပါတော့တယ်။ အဲဒီမှာ အာယွန် က သူငယ်ချင်းတစ်စုနဲ့ပေါင်းပြီး ဒီထူးဆန်းတဲ့ မှိုတွေရဲ့ နောက်ကြောင်းနဲ့ လျှို့ဝှက်ချက်ကို လိုက်စုံစမ်းရင်း... ရွာရဲ့ ရိုးရာယုံကြည်မှုတွေ၊ သိပ္ပံနည်းကျ လျှို့ဝှက်ချက်တွေနဲ့ ရင်ဆိုင်ရတဲ့အခါ ဘာတွေဆက်ဖြစ်မလဲဆိုတာ...