Horror ကားတွေနဲ့ သဘာဝလွန်ဖြစ်ရပ်တွေကို ကြိုက်နှစ်သက်သူတွေအတွက် 2013 တုန်းက ထွက်ရှိခဲ့တဲ့ ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ သရုပ်ဆောင်တွေအနေနဲ့ Sweet Home ထဲက မင်းသမီး Lee Si Young နဲ့ Penthouse ထဲက မင်းသား Uhm Ki Joon တို့က အဓိကပါဝင်ထားပြီး မင်းသမီး Moon Ga Young နဲ့အတူ တခြားသော အနုပညာရှင်တွေလည်း ပါဝင်အားဖြည့်ပေးထားတာပဲဖြစ်ပါတယ်။ဇာတ်လမ်းအညွှန်းHorror Webtoon တွေကို ရေးဆွဲတဲ့ နာမည်ကြီး ကာတွန်းဆရာမ ဂန်ဂျီယွန်း (Lee Si Young) ဟာ အိပ်မက်ဆိုးတွေကတစ်ဆင့် သူနဲ့မရင်းနှီးတဲ့နေရာတွေကို ရောက်ရှိသွားတတ်ပြီး အဖြေရှာရခက်တဲ့ ဖြစ်ရပ်တွေနဲ့ ကြုံတွေ့နေရသူပါ။ဂန်ဂျီယွန်းရဲ့ ကာတွန်းစာမူတွေကို ကိုင်တွယ်ပေးရတဲ့ ရုပ်ပြကာတွန်း ကုမ္ပဏီတစ်ခုရဲ့ အဖွဲ့မှူးဟာ ဂန်ဂျီယွန်းရဲ့ ဇာတ်လမ်းအသစ်ကို လက်ခံရရှိပြီးတဲ့နောက် ထူးဆန်းစွာပဲ သေဆုံးသွားခဲ့ရသလို ဂန်ဂျီယွန်းရေးဆွဲတဲ့ ရုပ်ပြကာတွန်းရဲ့ ဇာတ်လမ်းဇာတ်ကွက်တွေအတိုင်း အပြင်လောကမှာ ဖြစ်ပျက်လာတဲ့အချိန်မှာတော့ အမှုကို ဖြေရှင်းဖို့ စုံထောက်အီဂီချော (Uhm Ki Joon) ကပါ ပါဝင်ပတ်သက်လာပါတော့တယ်။ထူးဆန်းတဲ့ သည်းထိပ်ရင်ဖိုဇာတ်လမ်းတွေနဲ့ အပြင်က လက်တွေ့အမှုတွေကြား ပတ်သက်မှုက ဘာတွေဖြစ်မလဲ...ကာတွန်းဆရာမ ဂန်ဂျီယွန်းနဲ့ ဘယ်လိုဆက်စပ်နေတာလဲဆိုတဲ့ လျှို့ဝှက်ပုစ္ဆာတစ်ခုကို အဆုံးထိ အဖြေရှာရင်း ကြည့်ရှုရမှာပဲဖြစ်ပါတယ်။လျှို့ဝှက်ဆန်းကြယ်တဲ့ ဇာတ်လမ်းဇာတ်ကွက်တွေကို ကြိုက်နှစ်သက်သူတွေအတွက် အချိန်ပေးပြီး ကြည့်ရတာတန်တဲ့ ကားကောင်းလေးဖြစ်ကြောင်း ညွှန်းပေးလိုက်ချင်ပါတယ်။