Penny Lane Is Dead FHD

Penny Lane Is Dead

၁၉၈၆ နွေရာသီတစ်ခုမှာ ပန်နီ၊ တိုနီနဲ့ အေမီဆိုတဲ့ သူငယ်ချင်းသုံးယောက်ဟာ အထက်တန်းကျောင်းအပြီး တက္ကသိုလ်သွားမတက်ခင်ကမ်းခြေအိမ်တစ်ခုမှာ ပါတီပွဲ နွဲကြပါတယ်။ ပန်နီနဲ့တိုနီတို့က ချစ်သူတွေဖြစ်ကြပေမယ့် ခေတ်အခြေအနေအရ ပတ်ဝန်းကျင်ကိုဝန်မခံရသေးပါဘူး။ အဲ့ဒီမှာပဲ ပန်နီနဲ့တစ်သက်လုံးပြိုင်ဘက်ဖြစ်ခဲ့တဲ့ ညီအစ်မဝမ်းကွဲဖြစ်သူ ကတ်နဲ့ သူ့ရည်းစား မူးယစ်ဆေးအရောင်းအဝယ်သမား အန်းဂတ်စ်တို့ရောက်လာပြီး တရားလွန်စကြနောက်ကြရင်းနဲ့ သူတို့ရဲ့ အပျော်ပါတီပွဲဟာ သွေးသံရဲရဲ လူသတ်ပွဲအဖြစ်ပြောင်းသွားဖို့ဖြစ်လာပါတော့တယ်။ ဇာတ်လမ်းက ရိုးရှင်းပါတယ်။ ဒါပေမယ့် ကြည့်ရတာ အိုင်မနေပဲ ခပ်သွက်သွက်ဆွဲခေါ်သွားတာကြောင့်ရော၊ သရုပ်ဆောင်တွေရဲ့အချိတ်အဆက်မိမှုကြောင့်ရော ဟာသကွက်တွေကြောင့်ရောကြည့်ရတာ အစအဆုံး တောက်လျှောက်ပျော်စရာကောင်းတဲ့ကားပါ။ မင်းသမီးလှလှလေးတွေနဲ့မလိုက်အောင် အကြမ်းစား သွေးထွက်သံယိုတွေ စိတ်မသက်မသာဖြစ်လောက်အောင် ရက်စက်တဲ့ သတ်ဖြတ်ခန်းတွေကြောင့်တစ်ချိန်က All the Boys Love Mandy Lane တို့ Sorority Row တို့လို အရသာမျိုးပြန်ရတဲ့ ဇာတ်ကားမျိုးပါပဲ။