Folk Strange Case Chronicles 2 FHD

Folk Strange Case Chronicles 2

"ပထမပိုင်းမှာ လူသတ်သမားတွေကို ဖော်ထုတ်နိုင်ခဲ့ပေမဲ့... သူ့စိတ်ထဲက နတ်ဆိုးတွေကိုရော သူ အနိုင်ယူနိုင်ပြီလား?"ပထမပိုင်းရဲ့ အောင်မြင်မှုနောက်မှာ ပရိသတ်တွေကို ပိုပြီး သည်းထိတ်ရင်ဖိုစရာကောင်းတဲ့ ရိုးရာအယူအဆတွေ၊ ပိုမိုနက်နဲတဲ့ စိတ်ပညာ လှည့်ကွက်တွေနဲ့အတူ ပြန်လည်ရောက်ရှိလာတဲ့ "民间奇案录 2" (Folk Strange Case Chronicles 2) အတွက် အညွန်းလေးကို တင်ဆက်ပေးလိုက်ပါတယ်။ဇာတ်လမ်းအစမှာတော့ ရဲအရာရှိ ကျန်းထျန်းရှန်း (Zhang Tiansheng) ဟာ ပထမပိုင်းက အမှုတွေကို အောင်မြင်စွာ ဖြေရှင်းနိုင်ခဲ့ပေမဲ့၊ သူ့ရဲ့ စိတ်ကူးယဉ် ထင်ယောင်ထင်မှားဖြစ်တတ်တဲ့ ရောဂါ (Delusional Disorder) ကတော့ လုံးဝ ပျောက်ကင်းသွားခြင်း မရှိသေးပါဘူး။ ဒီတစ်ခါ အပိုင်း (၂) မှာတော့ သူဟာ ပိုပြီး ဆန်းကြယ်ပြီး ကြက်သီးထစရာကောင်းတဲ့ အမှုတွဲအသစ်တွေနဲ့ ရင်ဆိုင်လာရပါတယ်။စက္ကူရုပ်တွေ အသက်ဝင်လာတယ်ဆိုတဲ့ ကောလာဟလတွေ၊ သတို့သမီးတစ္ဆေရဲ့ ကျိန်စာတွေနဲ့ ဆက်တိုက်ဖြစ်ပွားလာတဲ့ ထူးဆန်းတဲ့ သေဆုံးမှုတွေက မြို့လေးကို ထိတ်လန့်ောက်ချားစေပါတယ်။ ဒီအမှုတွေကို စုံစမ်းရင်းနဲ့ ကျန်းထျန်းရှန်းရဲ့ စိတ်ဝေဒနာက ပိုမိုဆိုးရွားလာပြီး၊ ဘယ်အရာက တကယ့်အစစ်အမှန်လဲ၊ ဘယ်အရာက သူ့စိတ်က ဖန်တီးနေတဲ့ ထင်ယောင်ထင်မှားတွေလဲ ဆိုတာကို သူကိုယ်တိုင်တောင် ခွဲခြားရခက်လာတဲ့ အခြေအနေကို ရောက်ရှိသွားပါတော့တယ်။ဒါပေမဲ့ "တစ္ဆေသရဲဆိုတာ လူတွေရဲ့ စိတ်ထဲမှာပဲ ရှိတာ၊ တကယ့်အကြောက်ရဆုံးက လူတွေရဲ့ မကောင်းဆိုးဝါးစိတ်ပဲ" ဆိုတဲ့ ခံယူချက်ကို ဆုပ်ကိုင်ထားတဲ့ ကျန်းထျန်းရှန်းတစ်ယောက်... သူ့ရဲ့ ဝေဝါးနေတဲ့ စိတ်အာရုံတွေကြားကနေ တကယ့် လူသတ်သမားအစစ်ကို ဘယ်လို ဆွဲထုတ်ပြမလဲဆိုတာကို အပိုင်း (၁) ထက် ပိုပြီး ရင်တမမနဲ့ ကြည့်ရှုရမှာပါ။