2024 ခုနှစ်ထွက် Idiot Girls and School Ghost: School anniversary ရဲ့ ဒုတိယတွဲအနေနဲ့ ထွက်ရှိလာတဲ့ ရုပ်ရှင်ကားသစ်လေးကို တင်ဆက်ပေးလိုက်ပါတယ်။ ဒုတိယတွဲဆိုပေမဲ့ ဇာတ်လမ်းကတော့ ဆက်စပ်မှုမရှိတာမို့လို့ ပထမတွဲ မကြည့်ရသေးလည်း ကြည့်လို့ အဆင်ပြေပါတယ်ရှင်။ Main Cast တွေအနေနဲ့ကတော့ We Are All Trying Here ထဲက မင်းသမီး Han Sun-Hwa, Love Song for Illusion ထဲက မင်းသမီး Hong Ye-Ji, WJSN အဖွဲ့ဝင် Yeo Reum နဲ့ Under The Queen's Umbrella ထဲက မင်းသား Yoo Seon-Ho တို့က ပါဝင်သရုပ်ဆောင်ထားကြပါတယ်။ - ဇာတ်လမ်းအကျဉ်း - မိခင်ကျောင်းကို အလုပ်သင်ဆရာမအနေနဲ့ ပြန်ရောက်လာတဲ့ ဂန်အွန်းဂယောင်း (Han Sun-Hwa) က အာအိုအီ၊ ရီကို၊ ဟာရူကာ ဆိုတဲ့ ကျောင်းသူလေးသုံးဦး ဖွဲ့စည်းထားတဲ့ အောက်လမ်းမှော်ပညာကလပ် "ကူရိုအီဆိုရာ" အကြောင်း စုံစမ်းမိရာကနေ ဇာတ်လမ်း စထားပါတယ်။ ဒီကျောင်းသူလေး သုံးယောက်က စာမေးပွဲမှာ အမြဲ ထိပ်ဆုံးရနေတဲ့ လူတော်လေးတွေ ဖြစ်ကြပေမဲ့ သူတို့ရဲ့ ပုံပန်းသွင်ပြင်ကတော့ မူမှန်မနေခဲ့ပါဘူး။ တကယ်တမ်းက အဲဒီနောက်ကွယ်မှာ ဂျပန်တစ္ဆေ အီဒါအီနာရှီ (Yoo Seon-Ho) ဆိုသူရဲ့ အကူအညီရှိနေခဲ့တာပါ။ ဒီတော့ အွန်းဂယောင်းလည်း အီဒါအီနာရှီ ရှိနေတဲ့ စတုတ္ထထပ်က ဆရာများရုံးခန်းဆီ သွားတွေ့ဖို့အတွက် အထပ်အသီးသီးက ဉာဏ်စမ်းသရဲတွေကို ကျော်ဖြတ်ရဖို့ ဖြစ်လာတဲ့အခါမှာတော့... အွန်းဂယောင်းက အီဒါအီနာရှီရဲ့ လွှမ်းမိုးမှုအောက်မှာ ကျရောက်နေတဲ့ ကျောင်းတော်ကြီးကို ဘယ်လို ကယ်တင်ပေးသွားမှာလဲ... ဇာတ်ကောင်တွေနဲ့အတူ ဉာဏ်စမ်းပဟေဠိတွေ လိုက်ပါဖြေရှင်းရင်း ဉာဏ်သုံးရမှာဖြစ်သလို မနားတမ်း ရယ်နေရမဲ့ ဟာသ သရဲကားလေးဖြစ်တာကြောင့် ဒီလိုကားမျိုး အကြိုက်တွေ့သူတွေအဖို့တော့ Must Watch ပါနော်။