ပထမဦးဆုံးပြောချင်တာကတော့ Melanie Griffith ရမ်းလန်းတယ်ဆိုတာပါပဲ။Something Wild ရုပ်ရှင်ကတော့ ၁၉၈၆ ထွက် ဒါရိုက်တာ Jonathan Demme ရဲ့လက်ရာတစ်ခုဖြစ်ပါတယ်။ဟာသပဲပြောရမလား၊ ဒရမ်မာပဲပြောရမလား၊ အချစ်ဇာတ်လမ်းလို့ပဲပြောရမလားအကုန်လုံးနဲ့ခေါင်းစဉ်တပ်လို့ရတဲ့ ရုပ်ရှင်ကားကောင်းတစ်ကားဖြစ်ပါတယ်။ ဇာတ်ညွှန်းအချစ်ဆိုတာဘာလဲဆိုတဲ့မေးခွန်းအောက်မှာ လူတိုင်းက တစ်ယောက်တမျိုးအဖြေတွေထုတ်ကြမှာပါ။ သီချင်းတွေ၊ ရုပ်ရှင်တွေ ကဗျာတွေမှာ အချစ်ကိုဘက်ပေါင်းစုံကနေ တင်စားကြပါတယ်။ ဆိုတော့ အချစ်ဆိုတာဘာလဲ။ ချားလ်ဒရက်ဂ်အတွက်အချစ်ဆိုတာကတော့ “အလုပ်လုပ်နေတဲ့ နေ့လယ်ခင်းတစ်ခုဆိုင်မှာ နေ့လယ်စာစားနေတုန်း ကောင်းမလေးတစ်ယောက်ကလိုက်ပြီးနင် နေ့လယ်စာပိုက်ဆံလည်းမရှင်းသွားဘူး” ဆိုပြီး လာပြောတဲ့အချိန်မှာရုတ်တရတ်ရောက်လာခဲ့တာပါ။ အဲဒီကောင်မလေး နာမည်က လူလူ။ပြောရရင်တော့ Freestyle နေတတ်တဲ့ကောင်မလေးတစ်ယောက်။ လူလူက ချားလ်စ်ကို အလုပ်ကိုပြန်သွားမရအောင်လုပ်ကာ ခေါ်သွားပါတော့တယ်။ အဲဒီကနေစပြီး လူလူနဲ့ချားလ်စ် ရင်းနှီးသွားခဲ့ပါတယ်။ ဒါပေမဲ့ ခက်တာက ချားလ်စ်မှာ မိန်းမနဲ့ ကလေးရှိနေတာပါပဲ။ လူလူမှာကလည်း လူသိခံမရတဲ့ ကိစ္စတစ်ခုကရှိနေပြန်ပါတယ်။ ဘာတွေဆက်ဖြစ်ကြမှာလဲဆိုတာကို ခံစားကြည့်လိုက်ကြပါ။ လူလူအဖြစ် မင်းသမီး Melanie Griffithချားလ်စ်အဖြစ် မင်းသား Jeff Danielsရေးအဖြစ် ကွယ်လွန်သွားပြီဖြစ်တဲ့ မင်းသားကြီး Ray Liotta တို့က အားဖြည့်သရုပ်ဆောင်ထားပါတယ်။