The Trip FHD

The Trip

Comedy Horror FHD 2021

လားစ်နဲ့လီဆာတို့ဟာ တစ်ယောက်ကိုတစ်ယောက်စိတ်ကုန်ပြီး မျက်နှာချင်းဆိုင်လိုက်တာနဲ့ ရန်ဖြစ်ရတဲ့အိမ်ထောင်သည်စုံတွဲပါ။ သူတို့နှစ်ယောက်ဟာ ပိတ်ရက်မှာတော့ လားစ် အမွေထားတဲ့ တောတွင်းအိမ်လေးကိုခရီးထွက်ခဲ့ကြပါတယ်။ ရည်ရွယ်ချက်က အပန်းဖြေဖို့မဟုတ်ပါဘူး၊ တစ်ယောက်နဲ့တစ်ယောက် ပိပိရိရိသတ်ပစ်ဖို့ပါ။အစီအစဉ်တွေဆွဲ သတ်ဖို့ပြင်ဆင်နေတုန်းမှာပဲ မထင်မှတ်တဲ့ အလှည့်အပြောင်းတစ်ခုဖြစ်သွားပါတယ်။အဲ့ဒါကတော့ သူတို့မရောက်ခင်ကတည်းက အိမ်ရဲ့ မျက်နှာကျက်ပေါ်မှာ ပုန်းခိုနေတဲ့ ဒုစရိုက်သမားထောင်ပြေးသုံးယောက်ပါပဲ။ အချင်းချင်းသတ်ဖို့ကြံစည်နေတဲ့ သူတို့လင်မယားဟာ ရုတ်တရက် ဓားစာခံတွေဖြစ်သွားရပြီး အသက်ရှင်ဖို့အတွက်အချင်းချင်း အမုန်းတရားတွေကို ခဏဘေးချိတ်ထားပြီး ဒီလူဆိုးတွေလက်က လွတ်အောင် နည်းပေါင်းစုံနဲ့ကြိုးစားရပါတော့တယ်။ဇာတ်လမ်းအကျဉ်းကို သိသလိုလိုပဲလို့တွေးမိကြမှာပါ၊ ဟုတ်ပါတယ်။ ပြီးခဲ့တဲ့ ရက်ပိုင်းကမှ ထွက်ထားတဲ့ Jason Segel နဲ့Samara Weaving တို့ရဲ့ဇာတ်ကား "Over Your Dead Body" (2026) ရဲ့မူရင်းဇာတ်ကားဖြစ်ပါတယ်။ နှစ်ကားလုံးတစ်မျိုးစီကောင်းတဲ့အတွက် တစ်ကားကြည့်ပြီး နောက်တစ်ကားထပ်ကြည့်လည်း နောက်တစ်နည်းနဲ့ထပ်ခွီရဦးမှာပါပဲ။ ဒီဇာတ်ကားမှာတော့ The Girl with the Dragon TattooTriology ထဲက မင်းသမီး Noomi Rapace ဦးဆောင်ပွဲကြမ်းထားပါတယ်။