The Big Green FHD

The Big Green

Family Comedy FHD 1995

Disney က ထုတ်လုပ်ထားတဲ့ ၉၀ ခုနှစ်တွေရဲ့ နာမည်ကြီး Sports Comedy / Family ကားလေးတစ်ကားပါ။ အားကစားကတစ်ဆင့် ကလေးတွေရဲ့ စိတ်ဓာတ်နဲ့ ဘဝကိုဘယ်လိုပြောင်းလဲပေးနိုင်သလဲဆိုတာကို ရိုက်ပြထားတာ ဖြစ်ပါတယ်။Police Academy နဲ့ နာမည်ကြီးခဲ့တဲ့ မင်းသားကြီး Steve Guttenberg ရဲ့ ပေါ့ပေါ့ပါးပါး သရုပ်ဆောင်ချက်တွေကို မြင်တွေ့ရမှာပါ။ဇာတ်လမ်းကတော့ Texas ပြည်နယ်က Elma ဆိုတဲ့ သေးငယ်ပြီး စီးပွားရေးကျဆင်းနေတဲ့ ရွာသာသာမြို့လေးမှာ အခြေတည်ထားပါတယ်။ အဲဒီမြို့က အထက်တန်းကျောင်းက ကလေးတွေဟာ ဘဝမှာ ဘာရည်မှန်းချက်မှမရှိဘဲ အရှုံးသမားတွေလို ခံစားနေရသူတွေပါ။တစ်နေ့မှာတော့ အင်္ဂလန်နိုင်ငံကနေ ဆရာမလဲလှယ်ရေးအစီအစဉ်နဲ့ ရောက်လာတဲ့ ဆရာမ Anna Montgomery (Olivia d'Abo) ဟာ ဒီကလေးတွေကို စုစည်းပြီး "ဘောလုံး" (Soccer) အသင်းတစ်သင်း စတင်ဖွဲ့စည်းပေးခဲ့ပါတယ်။ အစပိုင်းမှာတော့ ဘောလုံးကန်ရမှာကိုတောင် ကြောက်နေတဲ့ ကလေးတွေဟာ ဒေသခံရဲအရာရှိ Tom Palmer (Steve Guttenberg) ရဲ့ ကူညီမှု၊ ဆရာမရဲ့ တွန်းအားပေးမှုတွေနဲ့အတူ တဖြည်းဖြည်းချင်း ယုံကြည်မှုတွေ ရှိလာပါတော့တယ်။ အောင်မြင်မှုတွေ ရလာလေလေ၊ သူတို့မြို့လေးရဲ့ စိတ်ဓာတ်တွေ ပြန်လည်နိုးကြားလာလေလေ ဖြစ်ပြီး တက္ကဆက်ရဲ့ နာမည်ကြီး တက္ကသိုလ်ဘောလုံးအသင်းနဲ့ ရင်ဆိုင်ဖို့အထိပါဖြစ်လာတာကို ရိုက်ပြထားတဲ့ မိသားစု Sport ဒရမ်မာကားကောင်းလေးပါ။