Target FHD

Target

အင်ဒိုနီးရှားနိုင်ငံရဲ့ နာမည်ကျော် အနုပညာရှင် ကိုးယောက်ဟာ ရုပ်ရှင်အသစ်ရိုက်ကူးဖို့မြို့ပြင်ကအဆောက်အအုံဟောင်းကြီးတစ်ခုဆီကို ဖိတ်ကြားခံခဲ့ရပါတယ်။ တကယ်တမ်း သူတို့ရောက်သွားချိန်မှာတော့အဲ့ဒီနေရာဟာ ရုပ်ရှင်ရိုက်ကွင်းတစ်ခုမဟုတ်ပဲ "Target" လို့ခေါ်တဲ့ Survival Game တစ်ခုဖြစ်နေတာကိုသိလိုက်ကြရပါတယ်။ သူတို့ဟာ အသင့်ပြင်ဆင်ထားတဲ့ ညစာစားပွဲကိုအတူစားသောက်မိကြပြီး သတိလစ်မေ့လဲသွားရာက နိုးထလာချိန်မှာ သူတို့လည်ပင်းမှာ လျှပ်စစ်ရှော့ခ်ရိုက်နိုင်တဲ့ ဖောက်ခွဲပစ်နိုင်တဲ့လည်ပတ်တွေပတ်ခံထားရတာပါ။ အဲ့ဒီမှာပဲ Game Master ကသူတို့ကို အသံချဲ့စက်ကတစ်ဆင့် ညွှန်ကြားချက်တွေပေးပြီး မစ်ရှင်တွေလုပ်ခိုင်းပါတော့တယ်။သူပေးတဲ့ မစ်ရှင်အများစုကလည်း အချင်းချင်းပြန်သတ်ဖို့ဖြစ်နေတဲ့အချိန်မှာတော့ နဂိုကတည်းက အချင်းချင်းအပြိုင်အဆိုင်တွေ၊ အကြိတ်အခဲတွေနဲ့ သူတို့တစ်သိုက်ဟာ အချင်းချင်း သံသယဝင်ရင်းနဲ့ပဲ အသက်ရှင်လွတ်မြောက်ဖို့ရုန်းကန်ရပါတော့တယ်။နာမည်ကျော် သရုပ်ဆောင်မင်းသား Raditya Dika ရိုက်ကူးသရုပ်ဆောင်ထားပြီး၊ Cinta Laura, Samuel Rizal တို့လိုနာမည်ကြီး မင်းသား၊ မင်းသမီးတွေက ကိုယ်တိုင်အဖြစ်ပါဝင်ခဲ့တဲ့အချက်က ထူးခြားပြီး ပရိသတ်စိတ်ဝင်စားမှုကိုဆွဲဆောင်နိုင်ခဲ့ပါတယ်။ဝေဖန်ရေးဆရာတွေကတော့ နှစ်ဖွဲ့ကွဲနေပေမယ့် ပရိသတ်အကြိုက် ဖျော်ဖြေရေး၊ ဟာသနဲ့ သည်းထိတ်ရင်ဖိုပဟေဠိတို့ကိုရောမွှေထားတဲ့အတွက် လူကြိုက်များခဲ့ပြီး ကြည့်ရတာ ပျော်စရာကောင်းတဲ့ ဇာတ်ကားတစ်ကားဖြစ်ပါတယ်။