၂၀၁၈ ခုနှစ်က ထွက်ရှိခဲ့တဲ့ Youngju ဆိုတဲ့ ရုပ်ရှင်ဟာ ဆယ်ကျော်သက် အိမ်ထောင်ဦးစီးမိန်းကလေးတစ်ယောက်ရဲ့ နာကျင်မှု၊ လက်စားချေလိုစိတ်နဲ့ ခွင့်လွှတ်ခြင်းတို့ကြားက ရှုပ်ထွေးလှတဲ့ စိတ်ခံစားမှုကို ရိုက်ပြထားတဲ့ ဇာတ်ကားလေးဖြစ်ပါတယ်။ ဒီကားလေးထဲမှာတော့ Cashero , Moment at Eighteen ထဲ မင်းသမီးချော Kim Hyang Gi အဓိကပါဝင်ထားပြီး Racket Boys ထဲက Tang Jun Sang, Kim Ho Jung, မင်းသားကြီး Yoo Jae Myungနဲ့ မင်းသမီးကြီး Jang Hye Jinတို့မှလည်း ပါဝင်အားဖြည့်ထားပါသေးတယ်။ ဇာတ်လမ်းအကျဉ်း *************** ကားတိုက်မှုကြောင့် မိဘတွေ ဆုံးပါးသွားပြီးတဲ့နောက် Young Ju (Kim Hyang Gi)ဟာ ပညာရေးကို စွန့်လွှတ်လိုက်ရပြီး မောင်လေးဖြစ်သူ Young In (Tang Jun Sang) ကို ပြုစုစောင့်ရှောက်ရင်း ဘဝကို ခက်ခဲစွာ ရုန်းကန်နေရတဲ့ အသက်၂၀အရွယ် မိန်းကလေးတစ်ဦးပါ။ တစ်နေ့မှာ Young In မှာ ပြဿနာတစ်ခုဖြစ်ပွားခဲ့ပြီး အမှုကျေအေးဖို့အတွက် ငွေအများအပြား လိုအပ်လာတဲ့အခါ Young Ju အနေနဲ့ လမ်းပျောက်သွားခဲ့ရပါတယ်။ ငွေကြေးအခက်အခဲကြောင့် Young Ju ဟာ မိဘတွေကို ကားနဲ့တိုက်မိခဲ့တဲ့ တရားခံဇနီးမောင်နှံဆီကို ရည်ရွယ်ချက်ရှိရှိနဲ့ ချဉ်းကပ်ခဲ့ပါတယ်။ ဒါပေမဲ့ မထင်မှတ်ထားဘဲ ထိုဇနီးမောင်နှံဆီကနေ မေတ္တာနဲ့ ကြင်နာမှုကို ရရှိလာတဲ့အခါမှာတော့ သံယောဇဉ်နဲ့ နာကြည်းမှုကြားမှာ ဘယ်လိုတွေ ရှေ့ဆက်သွားမလဲဆိုတာ ..