ဒီဇာတ်ကားလေးကတော့ ဒါရိုက်တာ Philip King စီစဉ်ညွှန်ကြားရိုက်ကူးထားပြီး Arron Villaflor၊ Marco Gallo နဲ့ Franki Russell တို့ အဓိကပါဝင်ထားတဲ့ ဖိလစ်ပိုင် Drama-Action အမျိုးအစားဖြစ်ပါတယ်။ ကိုယ်ချစ်ရသူအတွက် ဘာမဆို စွန့်ဝံ့တဲ့ မေတ္တာကြီးမားသူတွေရဲ့သရုပ်ကို ထင်ဟပ်စေမယ့် ဇာတ်ကားလေးဖြစ်တဲ့အတွက် စီးမျောခံစားကြည့်လိုက်ရအောင်ပါ။ဇာတ်လမ်းအကျဉ်းဂျွန်ဂျွန်နဲ့ဒိုဒုံတို့ ညီအစ်ကိုနှစ်ယောက်ဟာ နယ်မှာ ဖခင်ကြီးနဲ့အတူ ငါးဈေးမှာ အလုပ်လုပ်နေခဲ့ကြပါတယ်။ သူတို့အဖေဟာ အရင်က စစ်မှုထမ်းခဲ့သူဖြစ်ပြီး သူတို့နှစ်ယောက်ကို ခေါ်ယူမွေးစားစောင့်ရှောက်ထားသူပါ။ တစ်နေ့မှာတော့ အဖေဖြစ်သူ ကျန်းမာရေး ဖောက်လာတဲ့အတွက် ခွဲစိတ်ကုသဖို့အတွက် အရေးပေါ် ငွေလိုလာပါတယ်။ ဒီလိုနဲ့ သူတို့တွေ မနီလာမြို့ပေါ်ကို ငွေရှာဖို့ ထွက်ခဲ့ကြပါတယ်။ နေထိုင်ဖို့ နေရာလိုက်ရှာကြရင်း ရိုဆာဆိုတဲ့ မိန်းကလေးနဲ့တွေ့ကာ သူနေတဲ့တိုက်ခန်းမှာပဲ အခန်းငှားပြီး နေဖြစ်ခဲ့ကြပါတယ်။ အစစအရာရာ ကူညီပေးတတ်သူ ရိုဆာကို ဒိုဒုံက တစ်ဖက်သတ်သဘောကျနေခဲ့ပါတယ်။ ရိုဆာကတော့ အစ်ကိုဖြစ်သူ ဂျွန်ဂျွန်နဲ့ အနေနီးစပ်နေခဲ့ပါတယ်။ အရေးပေါ်ခွဲစိတ်ဖို့ မနီလာမှာ ငွေရှာကြမယ့် ညီအစ်ကိုနှစ်ယောက် ဘယ်လိုကိစ္စတွေထဲ ပါဝင်ပတ်သက်မိသွားမလဲဆိုတာကိုတော့ ...