ဒီခရစ္စမတ်ရာသီလေးမှာ ချစ်ရသူတွေနဲ့အတူ ဒရာမာဆန်န် ရိုမန်တစ်ဇာတ်ကားတစ်ကားကို တောင့်တနေသူတွေကို ဒီဇာတ်ကားကိုညွှန်းပေးလိုက်ချင်ပါတယ်။ ဇာတ်အိမ်လေးက တမူထူးခြားတဲ့အပြင် IMDB မှာ 7.2 ရထားတဲ့ ဇာတ်ကားတစ်ကားဖြစ်တဲ့အတွက် အရည်အသွေးပိုင်းကိုတော့ လုံးဝစိတ်ပူစရာမလိုဘူးလို့ ပြောလို့ရပါတယ်။ဇာတ်လမ်းအကျဉ်းဝိဒ်ဆိုတဲ့အမျိုးသမီးတစ်ယောက်ဟာ တစ်ချိန်တုန်းက country style တေးဂီတတွေနဲ့ နာမည်ကြီးခဲ့တဲ့ ဂျက်ဝိဒ်ဆိုသူရဲ့ သမီးဖြစ်ပါတယ်။ နာမည်ကြီးဖြစ်တဲ့အလျောက်ဖခင်ဖြစ်သူဟာ သမီးလေးငယ်စဉ်က အချိန်တော်တော်များများကို မိသားစုနဲ့အတူ အချိန်ပေးခွင့်မရခဲ့သူပါ။ ဒါပေမဲ့ ရုတ်ချည်းဆိုသလို ဂျက်ဟာ သူလုပ်လက်စဖြစ်နေတဲ့ တေးရေးတေးဆိုအလုပ်ကို စွန့်ပြီး သမီးလေးကို အချိန်ပေးဖို့အတွက် ဂီတလောကကနေထွက်ခွာဖို့ ဆုံးဖြတ်ချက်ချပြီး မကြာခင်မှာ မတော်တဆဖြစ်ပြီးဆုံးပါးသွားခဲ့ပါတယ်။ ဒီလိုနဲ့ ဂျက်ရဲ့ကျန်ခဲ့တဲ့တွဲဖက်ကနေ ဆက်ပြီးအစဉ်အလာကိုထိန်းရင်း နာမည်ကြီးသထက်ကြီးလာခဲ့ပါတယ်။ ဒီလိုနဲ့ နှစ်တိုင်း နှစ်ပတ်လည်လုပ်တဲ့အခါမှာ ဝိဒ်ဟာ သူ့အဖေ့ကိုလွမ်းဆွတ်တမ်းတရင်း ဘာဖြစ်လို့ သူ့အဖေဟာ ဂုဏ်ပုဒ်နဲ့ အောင်မြင်မှုတွေကို စွန့်လွှတ်ခဲ့လဲဆိုတာကို မသိဘဲ မှိုင်ဝေဝေဖြစ်နေရပါတယ်။ ဒီလိုနဲ့ နှစ်ပတ်လည်အချိန်ရောက်လာခါနီး သူ့ဖခင် အသက်ရှိစဉ်တစ်လျှောက်ဖျော်ဖြေခဲ့တဲ့ စတိတ်စင်ဟောင်းကြီးရဲ့ ခုံတန်းထောင့်နားလေးမှာ သွားထိုင်လိုက်တဲ့အချိန် ရုတ်ချည်းဆိုသလို အတိတ်က သူ့အဖေ အနုပညာလောကထဲကထွက်ပြီး မတော်တဆမဖြစ်ခင်အချိန်ကို ပြန်ပြီးရောက်သွားခဲ့ပါတယ်။