ဒီတစ်ခါတင်ဆက်ပေးချင်တဲ့ ရုပ်ရှင်ဇာတ်ကားကတော့ IMDb RATING 6.7/10 အထိ ရရှိထားပြီး ဆုပေါင်း ၄ဆု ရရှိခဲ့တဲ့ Comedy-Crime အမျိုးအစား ဂျပန်ရုပ်ရှင်ဇာတ်ကားဖြစ်ပါတယ်။ နာမည်ကြီး သရုပ်ဆောင်တွေဖြစ်ကြတဲ့ Masami Nagasawa၊ Masahiro Higashide၊ Fumiyo Kohinata၊ Echo Quah တို့ အဓိကပါဝင်ထားပါတယ်။ ဘယ်သူက ဘယ်သူ့ကို တစ်ပတ်ရိုက်ပြီး ကလိမ်ကျသွားမလဲဆိုတာ မလေးရှားနိုင်ငံ လန်ကာဝီကျွန်းအလှကိုပါ ခံစားရင်း ရှုစားလိုက်ကြရအောင်ပါ။ဇာတ်လမ်းအကျဉ်းမလေးရှားနိုင်ငံ လန်ကာဝီကျွန်းက ကမ္ဘာ့အချမ်းသာဆုံးစာရင်းဝင် ရေမွန်ဟူမှာ တရားဝင် သားသမီး ၃ယောက်ရှိပြီး ပိုင်ဆိုင်မှုပေါင်းများစွာ ရှိသူပါ။ သူ ကွယ်လွန်သွားပြီးနောက်မှာတော့ ဟူမိသားစုမျိုးနွယ်ရဲ့ ခေါင်းဆောင်နဲ့ အမွေဆက်ခံသူကို လက်ရှိတရားဝင် သားသမီး ၃ ဦးအစား မီရှဲလ်ဟူဆိုတဲ့ တရားမဝင်သမီးကို အမွေပေးဖို့ သေတမ်းစာ ရေးထားခဲ့ပါတယ်။ ဒီသတင်းကြောင့် ဒါကို၊ ဘိုကုနဲ့ ရစ်ချတ်တို့ရဲ့ CONFIDENCE MAN လူလိမ်ကြီးများအဖွဲ့ဟာ ဂျပန်ယန်း ၁၀ ထရီလီယံ တန်ကြေးရှိတဲ့ အမွေအနှစ်တွေကို အပိုင်သိမ်းပိုက်ဖို့ မီရှဲလ်အတုနဲ့ ကြံစည်ပါတော့တယ်။ ဟူမိသားစုရဲ့အိမ်တော်မှာ ဆယ်စုနှစ်ပေါင်းများစွာ ရှိနေခဲ့တဲ့ အရမ်းပါးနပ်တဲ့ လူယုံတော် အိမ်တော်ထိန်း တိုနီတင်းကို ဒါကိုတို့အဖွဲ့ ဘယ်လိုတွေ တစ်ပတ်ရိုက်ကြမလဲဆိုတာကတော့.....