Oboe no Nai Satsujin FHD

Oboe no Nai Satsujin

ဂျပန် Thriller-Mystery-Drama ကြိုက်သူပရိသတ်တွေအတွက် လက်မလွတ်တမ်းကြည့်သင့်တဲ့ ကားသစ်လေး ထွက်ရှိလာပါပြီ။ ဒီဇာတ်ကားမှာ ဂျပန်ဝါရင့်သရုပ်ဆောင်ကြီး Kobayashi Kaoru နဲ့ Ono Machiko တို့ အဓိက ပါဝင်ထားပြီး လူသတ်မှုပဟေဠိတစ်ခုကို သံသယဖြစ်ဖွယ် ဒွဟများစွာနဲ့ ရင်ခုန်စိတ်လှုပ်ရှားဖွယ် ပုံဖော်ရိုက်ကူးတင်ဆက်ထားပါတယ်။ ဇာတ်လမ်းအကျဉ်း**************ဆာဂျီဟာ တစ်ယောက်တည်းနေတဲ့ ရဲဝန်ထမ်းဟောင်းဖြစ်တဲ့အပြင် မြို့ခံတွေက ချစ်ခင်လေးစားကြတဲ့ သူပါ။ တစ်နေ့ သူနေထိုင်တဲ့ ရပ်ကွက်အနီးမှာ လူသတ်မှုတစ်ခုဖြစ်သွားပြီး စုံထောက် ခီတာမီနဲနဲ့ သူ့လက်ထောက် အီနာအိုကာတို့က ဆာဂျီ့ဆီ လာရောက်စုံစမ်းခဲ့ပါတယ်။ ဆာဂျီဟာ လက်ရှိအချိန်မှာ မှတ်ဉာဏ်ချို့ယွင်းတဲ့ဝေဒနာကို စတင်ခံစားနေသူဖြစ်ပြီး သမီးဖြစ်သူကလည်း အဝေးမှာပါ။ အမှုကို လိုက်လံစုံစမ်းနေတဲ့ ခီတာမီနဲတို့ဟာ လူသတ်မှုဖြစ်ခဲ့တဲ့ နေရာအနီးက စတိုးဆိုင်ကို အခင်းဖြစ်ပွားချိန်မှာ ဆာဂျီက ဈေးလာဝယ်ခဲ့ပြီး နစ်နာသူဟာလည်း ဆာဂျီကိုယ်တိုင် ယခင်က ဖမ်းဆီးထောင်ချခဲ့တဲ့သူမှန်း သိသွားခဲ့ပါတယ်။ အမှုဖြစ်စဉ်၊ စုဆောင်းရရှိတဲ့အထောက်အထားတွေအရ ဆာဂျီကို လူသတ်တရားခံအဖြစ် သံသယဝင်လာကြပါတယ်။ ဆာဂျီကိုယ်တိုင်လည်း အဖြစ်အပျက်တွေကို ပြန်ဆင်ခြင်သုံးသပ်ကြည့်မိတဲ့အခါမှာတော့ ...