ဒီတစ်ခေါက်မှာတော့ ၂၀၁၆ ခုနှစ်က ထွက်ရှိထားတဲ့ Thriller, Mysterious အမျိုးအစားဇာတ်လမ်းလေးတစ်ပုဒ်ကို တင်ဆက်ပေးသွားပါ့မယ်။ Park Hyo-Joo ,Bae Sung-Woo, Lee Hyun-Wook နဲ့ အခြားသော သရုပ်ဆောင်ပေါင်းများစွာက ပါဝင်သရုပ်ဆောင်ထားပါတယ်။ ဇာတ်လမ်းအညွှန်း *************** အီဟယ်ရီဆိုတဲ့ စီနီယာသတင်းထောက်ဟာ မတရားမှုဆိုရင် မျက်ကွယ်မပြုနိုင်ဘဲ တစ်ဇွတ်ထိုးလုပ်တတ်တဲ့သူတစ်ဦးပါ။ သူမဟာ သတင်းတွေကို လိုက်ထောက်လှမ်းရင်း လူသူကင်းမဲ့ပြီး ထူးဆန်းတဲ့ ကျွန်းပေါ်ကို ရောက်သွားခဲ့ပါတယ်။ ခေါင်းပုံဖြတ်တဲ့ အလုပ်ရှင်တွေကြောင့် လူ့အခွင့်အရေးကို အပြည့်အဝမရှိနေတဲ့ အလုပ်သမားတွေအကြောင်းကို သူမရဲ့ ဂျူနီယာ အီဆော့ဟွန်းနဲ့အတူ ထူးဆန်းတဲ့ ကျွန်းပေါ်မှာ ဖော်ထုတ်ဖို့ ကြိုးစားပါတော့တယ်။ တစ်ဆတစ်ဆ ရွာသားတွေရဲ့ မူမမှန်မှုတွေ၊ မျက်ကွယ်ပြုထားကြတဲ့ တာဝန်ရှိသူတွေကို တွန်းလှန်ရင်း နောက်ဆုံးမှာတော့ ဘယ်လိုအရာတွေက စောင့်ကြိုနေမလဲဆိုတာကို ရင်တထိတ်ထိတ်နဲ့ ကြည့်ရမဲ့ ဇာတ်လမ်းကောင်းလေးဖြစ်တာကြောင့် ကြည့်ရှုကြည့်ကြပါဦးနော်။