အတည်ပေါက်နဲ့ ရယ်ရမယ့် ပန်ချာပီရုပ်ရှင်လေးတင်ဆက်ပေးလိုက်ပါတယ်။ဟင်းမတ်ဟာ လူရိုးလူအေးတစ်ယောက်ပါ။ စာတွေထဲကလို ပါးစပ်ထဲလက်ထည့်ပေးတောင် မကိုက်တတ်သူ၊ သင်္ချိုင်းမှာသွားရှာရမယ့်သူလို့တောင် ပြောလို့ရတဲ့လူရိုးတစ်ယောက်ပေါ့။ ရိုးလွန်းလို့ နွဲ့တဲ့အဆင့်ပါဖြစ်နေပြီး လုပ်ဖော်ကိုက်ဖက်မိန်းကလေးတွေက ယောက်ျားလို့မမြင်၊ အိမ်ထောင်ဖက်က ရိုးလွန်းလို့လက်မခံ၊ မိဘတွေအားမရနဲ့ ဟင်းမတ်ဟာ နေ့တိုင်းအပြောအဆိုခံနေရပါတယ်။ အဲဒီလိုအပြောအဆိုခံနေရတာတွေကို မခံနိုင်တဲ့အဆုံးမှာ ဟင်းမတ်ဟာ လူမိုက်ဖြစ်အောင်လုပ်ပြမယ်ဆိုပြီး အိမ်ပေါ်ကဆင်းကာ ဂျာဘရာဆိုတဲ့ ကြမ်းပေ့ရမ်းပေ့ လူမိုက်ကြီးတစ်ယောက်ဆီမှာ တပည့်သွားခံဖို့ကြိုးစားပါတော့တယ်။ ဂျာဘရာက အစပိုင်းမှာ လက်မခံပေမဲ့ စိတ်ပိုင်းဖြတ်ထားတဲ့ ဟင်းမတ်ရဲ့ ဇွတ်တရွတ်ဆန်မှုတွေ၊ စိတ်ထဲမှာပုန်းအောင်းနေတဲ့ သတ္တိဗျတ္တိတွေကို သတိထားမိလာတဲ့အခါ...။