နင်မရတ်နဲ့ ဘစ်တူးက မိဘတွေမသိအောင် တွဲနေကြတဲ့ ချစ်သူတွေပေါ့။ ၂ယောက်လုံးက မြို့မှာကျောင်းလာတက်ရင်း တွေ့တာဆိုတော့ ရွာမှာကျန်ခဲ့တဲ့ မိဘတွေက သူတို့အကြောင်းကို မသိရဘူးပေါ့ဗျာ။ ဒီလိုနဲ့ နေလာရင်း နင်မရတ်တစ်ယောက် အဆောင်ပိုင်ရှင်နဲ့စကားများပြီး ဘစ်တူးအိမ်မှာ လိုက်နေခဲ့တယ်။ ဖြစ်ချင်တော့ အဲဒီနေ့မှာပဲ စည်းကမ်းတင်းကျပ်ပါတယ်ဆိုတဲ့ ဘစ်တူးမိဘတွေက သားနဲ့တွေ့ဖို့ဆိုပြီး ရွာကနေတက်လာလေရဲ့။ ရည်းစားနဲ့မိဘ ထိပ်တိုက်တွေ့လေတော့ မတတ်သာတဲ့အဆုံး ရည်းစားကို အိမ်ဖော်ငှားထားတာပါလို့ လိမ်ပြောလိုက်ရပါတော့တယ်။ ကဲ မိဘတွေနေမဲ့ ၁၀ရက်အတွင်း ဘယ်လိုအလွဲတွေ ဟာသတွေနဲ့ ကျော်ဖြတ်သွားမလဲဆိုတာ ဆက်လက်ကြည့်ရှုလိုက်ပါဦး။