Para Perasuk ဟာ Sundance Film Festival မှာပွဲထွက်ခဲ့တဲ့ အင်ဒိုနီးရှားရဲ့သဘာ၀လွန်ဒရာမာရုပ်ရှင်ပါ။ ဇာတ်လမ်းကတော့နတ်ပူးခြင်းဓလေ့ကိုပျော်ရွှင်မှုနဲ့စိတ်ထွက်ပေါက်အဖြစ်အသုံးချတတ်တဲ့ ထူးခြားတဲ့ရွာလေးတစ်ရွာမှာနေထိုင်ပြီး ရွာမှာအတော်ဆုံးနတ်ဝင်သည်ဖြစ်ဖို့ကြိုးစားနေတဲ့ဘာရူးလို့ခေါ်တဲ့လူငယ်လေးတစ်ယောက်အကြောင်းဖြစ်ပါတယ်။သူတို့အထွတ်အမြတ်ထားတဲ့ စမ်းရေထွက်နဲ့ရွာကိုအဆင့်မြင့်အဆောက်အအုံတွေဆောက်ဖို့သိမ်းယူချင်ကြတဲ့စီးပွားရေးအုပ်စုတစ်ခုကရွာသားတွေရဲ့မြေတွေကိုအဓမ္မဝယ်ယူသိမ်းပိုက်ဖို့ကြိုးစားလာချိန်မှာတော့ ရွာရဲ့ရိုးရာနတ်ပူးပွဲတော်တွေဟာ ရန်ပုံငွေရှာဖွေတဲ့ပွဲတွေဖြစ်လာခဲ့ပါတယ်။ ဘာရူးတို့အသိုင်းအဝိုင်းရဲ့မြင့်မြတ်တဲ့ရိုးရာနဲ့ရွာကလေးကိုစီးပွားရေးသမားတွေရဲ့လောဘကနေ ကာကွယ်နိုင်ပါ့မလားဆိုတာကိုဘာရူးအပါအဝင် သူ့ပတ်ဝန်းကျင်ကလူတွေရဲ့စိတ်ဒဏ်ရာတွေ၊မိသားစုပြဿနာတွေနဲ့ဆက်စပ်တင်ပြထားတာဖြစ်ပါတယ်။ဒီဇာတ်ကားဟာ Sundance ရုပ်ရှင်ပွဲတော် (၂၀၂၆) ရဲ့ World Cinema Dramatic Competition မှာ ပထမဆုံးအကြိမ် ပြသခဲ့ပြီး ဝေဖန်ရေးဆရာတွေရဲ့ တခဲနက် ချီးကျူးမှုကို ရရှိခဲ့ပါတယ်။ရိုးရာယဉ်ကျေးမှု၊ ဂီတ နဲ့ပန်းချီကားတစ်ချပ်လိုလှပတဲ့ ရိုက်ချက်တွေနဲ့ဖွဲ့စည်းထားပြီးသရုပ်ဆောင်တွေရဲ့ဇာတ်ကောင်အပေါ်စီးမျောနိုင်မှု(အထူးသဖြင့် အဆိုတော်မင်းသား Anggun ရဲ့နတ်ဝင်သည်အဖြစ် သရုပ်ဆောင်ချက်)ဟာ ပရိသတ်တွေရဲ့တစ်ခဲနက်ချီးကျူးမှုကိုရရှိခဲ့တဲ့ အနုပညာမြောက်ရုပ်ရှင်တစ်ကားပါ။