Above & Below FHD

Above & Below

Action Crime Horror Thriller FHD 2026-07-29 4.7 96 Min

ဒီဇာတ်ကားကတော့ Survival Horror, Action နဲ့ Crime Thriller အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ အက်ရှင်ဒါရိုက်တာ Jesse V. Johnson က ရိုက်ကူးထားပြီးသရုပ်ဆောင်တွေအဖြစ် မင်းသားကြီး Antonio Banderas, Laura Marano, Christina Ochoa, Timothy V. Murphy နဲ့ Louis Mandylor တို့က အဓိက ပါဝင်သရုပ်ဆောင်ထားကြပါတယ်။ဇာတ်လမ်းကတော့ မက္ကဆီကို ပင်လယ်ပြင်မှာ အပျော်ခရီးထွက်ပြီး ရေငုပ်ဖို့ ရောက်လာကြတဲ့ လူငယ်သူငယ်ချင်း ၅ ယောက်ဆီကနေ စတာပါ။ ဒါပေမဲ့ မတော်တဆ မူးယစ်ဂိုဏ်း (Cartel) ရဲ့ကိုကင်းအထုပ်တွေကို ရှာဖွေတွေ့ရှိသွားရာကနေ အခြေအနေတွေ ဇောက်ထိုးမိုးမျှော် ဖြစ်သွားပါတော့တယ်။ သူတို့ လှေပေါ်ကို ရောက်လာတဲ့ Antonio Banderas ဦးဆောင်တဲ့ လက်နက်ကိုင်ရာဇဝတ်ဂိုဏ်းဟာ ရေထဲကျသွားတဲ့ မူးယစ်ဆေးတွေကို ပြန်ဆယ်ယူပေးဖို့ လူငယ်တွေကို အကျပ်ကိုင် ခြိမ်းခြောက်ပါတော့တယ်။အဲဒီနောက်မှာတော့ ကောင်မလေးနှစ်ယောက်ဟာ ငါးမန်းကာ လှောင်အိမ် (Shark cage) ထဲ ဝင်ပြီး အောက်ခြေက ဆေးထုပ်တွေကို သွားဆယ်ရပါတော့တယ်။ ဒါပေမဲ့ လှေပေါ်မှာကသေနတ်ကိုင်ထားတဲ့ ရက်စက်တဲ့ မူးယစ်ဂိုဏ်းသားတွေ ရှိနေပြီး (Above)၊ ပင်လယ်အောက်မှာတော့ သွေးဆာနေတဲ့ ဧရာမ ငါးမန်းဖြူကြီးတွေ (Great White Sharks) ဝိုင်းရံထားတာကြောင့်(Below)၊ အောက်ဆီဂျင် ကုန်ခါနီး အချိန်မှာ အထက်နဲ့ အောက် ဘေးအန္တရာယ်နှစ်ဖက်ကြားကနေ အသက်ရှင်လွတ်မြောက်အောင် ဉာဏ်ဆင်ပြီး အသည်းအသန် ရုန်းကန်ရမယ့်သည်းထိတ်ရင်ဖို Survival ဇာတ်လမ်းကောင်းတစ်ခု ဖြစ်ပါတယ်။ဒီဇာတ်ကားဟာ Fall ရုပ်ရှင်ကို ထုတ်လုပ်ခဲ့တဲ့ အဖွဲ့သားတွေက ဖန်တီးထားတာဖြစ်ပြီး သာမန် ငါးမန်းကားတွေနဲ့ မတူဘဲ မူးယစ်ဂိုဏ်း ရာဇဝတ်မှု Crime အက်ရှင်နဲ့ ငါးမန်းတိုက်ခိုက်မှုSurvival Horror ကို ပေါင်းစပ်တင်ဆက်ထားတာပါ။ Antonio Banderas ရဲ့ လူဆိုးဂိုဏ်းချုပ် သရုပ်ဆောင်မှုအပြင် ရေအောက်မှာ ပိတ်မိနေတဲ့ အသက်ရှူမှားလောက်စရာ ဖိအားတွေကြောင့်ငါးမန်းကားနဲ့ သည်းထိတ်ရင်ဖို ကြိုက်တဲ့ ပရိသတ်တွေ အကြိုက်တွေ့စေမယ့် ရုပ်ရှင်ကောင်းတစ်ကားပဲ ဖြစ်ပါတယ်။