ဒီကားဟာ သဘာဝအလှတရားတွေနဲ့ပြည့်နှက်နေတဲ့ ဩစတေးလျ ကမ်းခြေနောက်ခံမှာ ရိုက်ကူးထားတဲ့ Hallmark ရဲ့ Romance / Comedy ရုပ်ရှင်တစ်ကား ဖြစ်ပါတယ်။ ရှေ့နေအလုပ်ကို စွန့်လွှတ်ပြီး ပွဲစီစဉ်သူအဖြစ် ပြောင်းလဲလုပ်ကိုင်နေတဲ့ Samara ဟာ သူ့ အရင်းနှီးဆုံးသူငယ်ချင်းရဲ့ မိဘတွေအတွက် နှစ် ၄၀ ပြည့် မင်္ဂလာနှစ်ပတ်လည်ပွဲကို ဩစတေးလျနိုင်ငံ၊ Queensland မှာ သွားရောက်စီစဉ်ပေးရပါတယ်။ဒါပေမဲ့ အဲဒီမှာ မမျှော်လင့်ဘဲ သူ့ရှေ့နေရုံးက ပြိုင်ဘက်ဟောင်းနဲ့လုပ်ဖော်ကိုင်ဖက်ဟောင်းဖြစ်သူ Nate နဲ့ ပြန်လည်ဆုံတွေ့ခဲ့ရပါတယ်။ Nate ဟာလည်း ရှေ့နေအလုပ်ကထွက်ပြီးဩစတေးလျမှာ ညီဖြစ်သူနဲ့အတူ ရွက်လှေသင်္ဘောခရီးစဉ်စီးပွားရေးကို လုပ်ကိုင်နေတာပါ။အတိတ်က နားလည်မှုလွဲမှားခဲ့တာတွေ၊ မပြေလည်မှုတွေကိုရင်ဆိုင်ရင်း ပွဲစီစဉ်ကြစဉ်မှာတော့ သာယာလှပတဲ့ ပင်လယ်ပြင်ကြီးထဲမှာ နှစ်ယောက်သား တစ်ယောက်ကိုတစ်ယောက်ပြန်လည်သဘောကျသွားကြတဲ့ ချစ်စရာ Rivals-to-Lovers ဇာတ်လမ်းလေး ဖြစ်ပါတယ်။ ဒီကားက ဩစတေးလျရဲ့ သာယာလှပတဲ့ပင်လယ်ရှုခင်းတွေကို ကြည့်ရှုရမှာဖြစ်လို့ ခေါင်းရှုပ်မခံဘဲ ပေါ့ပေါ့ပါးပါးနဲ့ စိတ်လက်ပေါ့ပါးစေမယ့် ရိုမန့်စ်ကားလေးတွေကိုကြိုက်သူတွေအတွက်သဘောကျစရာ ကားကောင်းလေးတစ်ကားဖြစ်ပါတယ်။