ဘယ်နေရာမှာမှ ဝင်မဆံ့ဘဲ အထီးကျန်မှုကို တစ်ယောက်တည်း သည်းခံဖြတ်သန်းနေရတဲ့ လိင်တူချစ်သူ မြောက်ပိုင်းသားလေး ဂင်ချောဂျွန်း (Cho You-Hyun)...တစ်နေ့မှာတော့ သတ္တိမွေးပြီး ဂေးတွေအချင်းချင်း စုဝေးအရက်သောက်တဲ့နေရာကို သွားဖို့ ဆုံးဖြတ်လိုက်ရာကနေ "ဂျုံနို ၃-ဂါ၊ ထွက်ပေါက်နံပါတ် ၆၊ ည ၇ နာရီအချိန်"မှာ ဂင်ယောင်းဂျွန်း(Kim Hyeon-Mok) ဆိုသူနဲ့ ပထမဆုံး စဆုံဖြစ်ခဲ့တာပေါ့။ အရက်ဝိုင်းမှာ love shot အတူ သောက်ဖြစ်ရာကနေ အစပြုလို့ ရပ်ကွက်လည်းတူ၊ ၁၉၉၇ ခုနှစ်ဖွား ရွယ်တူတွေလည်း ဖြစ်ကြတဲ့ သူတို့နှစ်ဦးက တစ်ယောက်ကိုတစ်ယောက်ရင်ဖွင့်နှစ်သိမ့်ပေးရင်း ရင်းနှီးသထက် ရင်းနှီးလာခဲ့ကြပေမဲ့ တတိယလူ ဝင်ရောက်လာမှုကြောင့် သူတို့ရဲ့ ဆက်ဆံရေးက မထင်မှတ်ထားတဲ့ လမ်းကြောင်းဆီ ဦးတည်သွားတဲ့အခါမှာ..."ငါတို့အားလုံးက ပျော်ရွှင်ချင်လို့ ဒီကို လာခဲ့ကြတာပဲ မဟုတ်ဘူးလား"...ချောဂျွန်းတစ်ယောက် အဆုံးမှာ သူ မျှော်လင့်ထားတဲ့ ပျော်ရွှင်မှုကမ္ဘာလေးကို ပိုင်ဆိုင်ခွင့်ရနိုင်မှာလား...လွဲချော်မှုများစွာနဲ့ ရင်ခုန်သံ အတက်အကျတွေကြားမှာ ချောဂျွန်းနဲ့ ယောင်းဂျွန်းတို့ရဲ့ ဇာတ်လမ်းလေးကရော ဘယ်လိုဆက်ဖြစ်မလဲဆိုတာကို ရှုစားလိုက်ကြပါဦးရှင်။