ဂိုဏ်းစတားတစ်ယောက်ဖြစ်တဲ့ ဘဲ့ဆောင်းချော (Ji Seung-Hyun) ဟာဆိုရင်တော့ သူနဲ့ စေ့စပ်ထားတဲ့ မိန်းကလေးအပေါ် မဖွယ်မရာပြုလုပ်ဖို့ ကြံစည်တဲ့ ဂိုဏ်းခေါင်းဆောင်ကို သတ်မှုနဲ့အလိုရှိစာရင်း အထုတ်ခံထားရသူပါ။ အဲဒါကြောင့်ပဲ နိုင်ငံခြားမှာ နှစ်ကာလများစွာ ထွက်ပြေးတိမ်းရှောင်နေခဲ့ပြီး တရားစွဲဆိုနိုင်တဲ့ကာလ ကုန်ဆုံးဖို့ ရက် ၃၀ သာ လိုတော့တဲ့ အချိန်မှာပဲဆောင်းချောတစ်ယောက် ကိုးရီးယားကို ပြန်လာခဲ့ပါတော့တယ်။ ဒါပေမဲ့ ကံဆိုးစွာနဲ့ သူ ကိုးရီးယား ပြန်ရောက်နေကြောင်း သိသွားတဲ့ ရဲတွေကတော့ သူ့ကို အသည်းအသန် ရှာဖွေကြတဲ့အခါမှာတော့ ဆောင်းချောတစ်ယောက် ရက် ၃၀ အတွင်း ရဲလက်ထဲမမိစေဖို့အတွက် တိတ်ဆိတ်ငြိမ်သက်တဲ့ "ဆူဆမ်းရီ"ရွာလေးဆီ သွားရောက်ပြီး အဲဒီရွာက မှတ်ဉာဏ်ချို့ယွင်းနေတဲ့ အဘွားရဲ့ သားပါလို့ လိမ်လည်ကာ ခေတ္တပုန်းအောင်းနေဖို့ဖြစ်လာတဲ့အခါ...ဆောင်းချောတစ်ယောက် ရက် ၃၀ အတွင်း ရွာသူရွာသားတွေဆီမှာ အလိမ်မပေါ်ဘဲ အောင်အောင်မြင်မြင် ပုန်းအောင်းနေနိုင်ပါ့မလား...လူသတ်မှုရဲ့ နောက်ကွယ်မှာရော ဘယ်လို မထင်မှတ်တဲ့ အလှည့်အပြောင်းတွေ ရှိနေဦးမလဲဆိုတာကို ဇာတ်လမ်းလေးထဲမှာ ဆက်လက် ကြည့်ရှုလိုက်ကြပါဦးရှင်