သူငယ်ချင်းတစ်စုဟာ ဘယ်သူပို့လိုက်မှန်းမသိတဲ့ လျှို့ဝှက်ဆန်းကြယ်တဲ့ ဖိတ်စာတစ်စောင်ကို ရရှိပြီးနောက်... လူသူကင်းမဲ့ပြီး လေပြင်းတွေတိုက်ခတ်နေတဲ့ ဝေးလံခေါင်ဖျားတဲ့ကျွန်းတစ်ကျွန်းဆီကို ခရီးထွက်လာခဲ့ကြပါတယ်။ ဒါပေမယ့် အဲ့ဒီကျွန်းကို ရောက်ရောက်ချင်းမှာပဲ သူတို့ဟာ အိမ်မက်ဆိုးကြီးတစ်ခုထဲကို တိုက်ရိုက်ဝင်ရောက်လာမိပြီဆိုတာကိုထိတ်လန့်ဖွယ်ရာ သိလိုက်ရပါတော့တယ်။ကျွန်းရဲ့အလယ်ဗဟိုမှာတော့ ပြိုကျပျက်စီးလုနီးပါးဖြစ်နေတဲ့ ရှေးဟောင်းရဲတိုက်ကြီး (Chateau) တစ်ခုရှိနေပါတယ်။ ဒီရဲတိုက်ကြီးထဲမှာ မျိုးရိုးသွေးဆက်တွေ၊ သစ္စာဖောက်မှုတွေနဲ့ဆက်နွယ်နေတဲ့ ရာစုနှစ်ချီ သက်တမ်းရှိပြီဖြစ်တဲ့ ကျိန်စာတစ်ခုကို ဖုံးကွယ်ထားတာပါ။ ပိုပြီး ထိတ်လန့်စရာကောင်းတာက... ရဲတိုက်ကို ဝန်းရံထားတဲ့ မှောင်မိုက်နေတဲ့ ရေပြင်အောက်မှာအင်မတန် ရက်စက်ကြမ်းကြုတ်တဲ့ အရာတစ်ခုက ပုန်းကွယ်စောင့်ဆိုင်းနေတာပါပဲ။ သာမန် လျှို့ဝှက်ဆန်းကြယ်မှုတစ်ခုအနေနဲ့ စတင်ခဲ့ရာကနေ အသက်လု ထွက်ပြေးရမယ့်ရှင်သန်ရေးတိုက်ပွဲအဖြစ်ကို မြန်မြန်ဆန်ဆန်ပဲ ပြောင်းလဲသွားတဲ့အခါ...Horror စစ်စစ်ကိုမှ ကြိုက်တဲ့ ပရိသတ်တွေအတွက် House on Haunted Hill (2026) ကတော့ လုံးဝကို စိတ်လှုပ်ရှားစရာ ကောင်းမယ့် ဇာတ်ကားတစ်ကားပါပဲ။