အောင်မြင်ကျော်ကြားပြီး ဘုရားမဲ့ဝါဒီတစ်ဦးဖြစ်တဲ့ ပေါ့ဒ်ကတ်စ် (Podcast) တင်ဆက်သူ ထရေးနဲ့ သမားတော်တစ်ဦးလည်းဖြစ် သက်ဝင်ယုံကြည်သူ ခရစ်ယာန်ဘာသာဝင်တစ်ဦးလည်းဖြစ်တဲ့ဒေါက်တာ ဂျူလီတို့ မထင်မှတ်ဘဲ ဆုံစည်းမိကြတဲ့အခါ...သူတို့နှစ်ဦးစလုံးဟာ သိပ္ပံပညာကို မြတ်နိုးခင်တွယ်ကြသူတွေ ဖြစ်ပေမဲ့ နှလုံးသားရေးရာ အယူအဆတွေမှာတော့ တစ်ယောက်နဲ့တစ်ယောက် လုံးဝ ညှိနှိုင်းမရ ဖြစ်နေကြပါတယ်။ ဒီလိုနဲ့သူတို့ရဲ့ ဘဝတွေဟာ အသိဉာဏ်ပညာဆိုင်ရာ အပြန်အလှန် ဆွေးနွေးငြင်းခုံမှုတွေ၊ ပြီးတော့ မျှော်လင့်မထားတဲ့ သံယောဇဉ် ခံစားချက်တွေကြားထဲမှာ ဝဲဂယက်တစ်ခုလိုလှည့်ပတ်စီးမျောသွားခဲ့ရပါတယ်။ အသိဉာဏ်နဲ့ အတွေးအခေါ်ကို ဦးစားပေးထားတဲ့ ဒီရုပ်ရှင်ဇာတ်ကားဟာ ဘာသာရေး သက်ဝင်ယုံကြည်သူတွေရော၊ မယုံကြည်သူတွေအတွက်ပါစိတ်ဝင်စားဖို့ကောင်းမယ့် ဒရာမာဇာတ်ကားကောင်းတစ်ကားပဲ ဖြစ်ပါတယ်။