၁၉၈၇ မလေးရှားနိုင်ငံ ပါဟန်းပြည်နယ်ရဲ့ကမ်းခြေရွာလေးတစ်ရွာမှာ မာဝါဆိုတဲ့ ဆယ်ကျော်သက်ကောင်မလေးဟာ သတင်းထောက်ဖြစ်ချင်တဲ့ အိမ်မက်တွေကိုခဏဘေးဖယ်ပြီး မကျန်းမာတဲ့မိခင်ဖြစ်သူကိုပြုစုစောင့်ရှောက်နေရပါတယ်။ တစ်နေ့မှာတော့ သူတို့အိမ်ကို ထင်မှတ်မထားတဲ့ ဖြစ်ရပ်ဆိုးတစ်ခုဆိုက်ရောက်လာခဲ့ပါတယ်။အစ်မဖြစ်သူ ဆာဖာရဲ့ပဟေဠိဆန်ဆန် ဆန်းကြယ်စွာ သေဆုံးမှုအပြီး အိမ်တွင်းမှာ ကြောက်စရာခြောက်လှန့်မှုတွေစတင်လာခဲ့ပါတယ်။ အဲ့ဒီအချိန်မှာ ဖခင်ဖြစ်သူက ဘာကိုမှ ဂရုမစိုက်အားပဲသူ့မဲဆွယ်ပွဲအတွက် လုံးပမ်းနေပါတယ်။ဒီလိုနဲ့ဒီအဖြစ်ဆိုးတွေရဲ့နောက်ကွယ်က ဖြစ်ရပ်မှန်ကိုသိရဖို့ မာဝါတစ်ယောက်တည်း စုံစမ်းရပြီး လျှို့ဝှက်ချက်တွေရုပ်လုံးပေါ်လာလေလေ ဆာဖာရဲ့ခြောက်လှန့်မှုတွေကပိုကြမ်းတမ်းလာလေလေ ဖြစ်လာချိန်မှာတော့..။Malam Terlarang ဇာတ်ကားဟာ မလေးရိုးရာ သရဲကားတွေထဲမှာ ထူးထူးခြားခြား ထွက်ပေါ်လာတဲ့ဇာတ်ကားတစ်ကားဖြစ်ပြီး ရှေးဟောင်းစုန်းကဝေအတတ်တွေ၊လူတွေရဲ့လောဘတွေကိုပေါင်းစပ်ပြီး စိတ်ကူးယဉ်ဇာတ်လမ်းနဲ့တကယ့်အကြောက်တရားကြားက စည်းကိုဖောက်ဖျက်ပြသွားပါတယ်။ Jump scare တွေထက်နောက်ခံတေးဂီတနဲ့ Sound design ကောင်းကောင်း၊ စိတ်မသက်မသာဖြစ်မှုကိုပိုမြင့်တက်စေတဲ့ အကြာကြီးရိုက်ထားတဲ့ မြင်ကွင်းကျယ်ရိုက်ချက်တွေ၊အနီးကပ်ရိုက်ချက်တွေကိုသုံးပြထားပါတယ်။ အဓိက သရုပ်ဆောင်တွေရဲ့အချိတ်အဆက်မိမှု၊ ဇာတ်ရုပ်ပြောင်းလဲနိုင်မှုနဲ့ခံစားချက်ကိုစကားမပြောပဲပုံဖော်နိုင်တာတွေကလည်းချီးကျူးစရာပါပဲ။ နောက်ဆုံး Twist ကြီးကလည်း ကြမ်းလွန်းလို့ရိုက်ပြလို့ရတာတောင် အံ့ဩစရာပါ။ ဟော်ရာပရိသတ်တွေလက်မလွတ်သင့်တဲ့ ဇာတ်ကားဖြစ်ပါတယ်။