မီရာဟာ သူနဲ့ပတ်သက်သမျှယောက်ျားတိုင်း အကြောင်းရင်းမရှိ ထူးဆန်းစွာသေဆုံးသွားတတ်တာကြောင့်"နိမိတ်မကောင်းတဲ့ မိန်းမ၊ဒုက္ခသယ်ဆောင်လာသူ"အဖြစ်သတ်မှတ်ခံထားရသူဖြစ်ပါတယ်။ ရိုးရာအယူအဆတွေအရမီရာရဲ့ဘယ်ဘက်ပခုံးပေါ်မှာ လာဝေယန် ဆိုတဲ့ မကောင်းဆိုးဝါး ဝိဉာဉ်တွဲကပ်နေထိုင်တဲ့ မွေးရာပါအမှတ်အသားရှိနေတယ်လို့ဆိုကြပါတယ်။ ပထမအိမ်ထောင်နဲ့လက်ထပ်လို့မကြာခင်မှာပဲ သူ့ခင်ပွန်းသည် ထူးခြားဆန်းကြယ်စွာသေဆုံးသွားတဲ့အတွက် အိမ်ပေါ်ကချက်ချင်းနှင်ချခံခဲ့ရပြီး မြို့ပြက ဆံပင်တုထုတ်လုပ်တဲ့စက်ရုံတစ်ခုမှာဘ၀သစ်စဖို့ကြိုးစားခဲ့ပါတယ်။ ဒါပေမယ့် ကျိန်စာက သူ့နောက်ကနေ ထပ်ချပ်လိုက်လာပြီး စက်ရုံတစ်ခုလုံး အစုအပြုံလိုက်သရဲပူးတဲ့ဖြစ်ရပ်ဆိုးကြီးပါ ဖြစ်ပွားခဲ့ပါတယ်။သူ့ဘက်က ဘယ်လိုပဲကောင်းအောင်နေနေ၊ကောင်းတာတွေလုပ်နေပါစေ ကံဆိုးမှုတွေတောက်လျှောက်ကြုံတွေ့နေရတဲ့ မီရာတစ်ယောက် ဒီအဖြစ်တွေရဲ့ဇစ်မြစ်ကိုအဖြေရှာဖို့ကြိုးစားရပါတော့တယ်။ အဲ့ဒီလိုအချိန်မှာမှသူတကယ်ချစ်မိတဲ့ ထမင်းဆိုင်ရှင်လူချောလေး ဘာနာနဲ့ဆုံတွေ့မိလာတဲ့အခါ..။ ဒီအချစ်က ဘာနာအတွက်သေမင်းတမန်ဖြစ်နိုင်တာကို သိရက်နဲ့ မီရာရှေ့ဆက်တိုးမလား? သူ့ဆီမှာ တွယ်ကပ်နေတဲ့ နတ်ဆိုးဝိဉာဉ်ရဲ့ရင်းမြစ်က ဘယ်မှာလဲ? သာမန်ခြောက်လှန့်ရုံသက်သက် ဟော်ရာကားတွေကနေခွဲထွက်ပြီး ရိုးရာယုံကြည်မှုတွေနဲ့တကွမိသားစုဒရာမာ နဲ့ romance ကိုရောမွှေပြီး ကောင်းကောင်းအသုံးချသွားနိုင်တဲ့တန်းမြင့်ဟော်ရာကားတစ်ကားဖြစ်ပါတယ်။