ဒါကတော့ ဒီဇာတ်လမ်းလေးရဲ့ ဒါရိုက်တာဖြစ်တဲ့ သရုပ်ဆောင် Joséphine Japy ရဲ့ Phelan-McDermid syndrome ရောဂါရှိတဲ့ ညီမတစ်ယောက်နဲ့ အတူကြီးပြင်းခဲ့ရတဲ့ လက်တွေ့ဘဝကိုအခြေခံပြီး ရိုက်ကူးထားတဲ့ autobiographical ပြင်သစ် ဒရမ်မာတစ်ပုဒ်ပါ။အများနဲ့မတူဘဲ ထူးခြားကွဲပြားမှုတွေနဲ့ မွေးဖွားလာရတဲ့ မသန်မစွမ်းတွေမှာ သူတို့ရဲ့ဘဝက ခက်ခဲသလို သူတို့ကို ပြုစုစောင့်ရှောက်ပေးရတဲ့ မိသားစုဝင်တွေရဲ့ ဘဝကလည်း မလွယ်ကူလှပါဘူး။Roussier မိသားစုရဲ့ အငယ်ဆုံးသမီးလေးဖြစ်တဲ့ 15 နှစ်အရွယ် Bertille လေးက ပြင်းထန်တဲ့ စကားမပြောနိုင်တဲ့ မသန်မစွမ်းရောဂါတစ်ခုကို ခံစားနေရတဲ့သူပါ။Bertille ရဲ့ အမေဖြစ်သူ Madeleine ၊ အဖေဖြစ်သူ Gilles နဲ့ အစ်မဖြစ်တဲ့ Marion တို့က သူတို့ချစ်ရတဲ့ အငယ်ဆုံးသမီးလေး အချိန်မရွေး အသက်ဆုံးရှုးသွားနိုင်တဲ့ အကြောက်တရားကိုအမြဲရင်ဆိုင်နေရပြီးတော့ Bertille ကို မျက်ခြေမပြတ် ပြုစုစောင့်ရှောက်ရင်း ရောဂါအမည်ဖော် စစ်ဆေးရေးအဖြေတွေက သူတို့ရဲ့အနာဂတ်ကို ပြောင်းလဲပြီး မျှော်လင့်ချက်တွေပေးနိုင်မလားဆိုတာကိုတော့ ဒီဇာတ်လမ်းထဲမှာ ဆက်လက်ကြည့်ရှုရမှာပဲ ဖြစ်ပါတယ်။