Hor Taew Tak: Haek Lee Hu FHD

Hor Taew Tak: Haek Lee Hu

Comedy FHD 2025-12-25 6.5 111 Min

"မိဖုရားခေါင်ကြီး ကွယ်လွန်သွားတဲ့အခါ နန်းတွင်းထဲမှာ ဘယ်လိုတွေ ဗြောင်းဆန်သွားမလဲ..."ထိုင်းဟာသကားတွေရဲ့ သဘာဝအတိုင်း ရယ်စရာ မျက်နှာပေးတွေ၊ အလွဲအချော် အခွီတွေ မြိုင်ဆိုင်လှတဲ့ Oh My Ghost စီးရီးရဲ့ ကားသစ်လေးကို တင်ဆက်ပေးလိုက်ပါတယ်။အရင်ထွက်ခဲ့တဲ့ အပိုင်းတွေတုန်းက အဆောင်တွေ၊ ဆေးရုံတွေမှာ သရဲပေါင်းစုံနဲ့ လိုက်ပြေးရင်း မိန်းမလျာအုပ်စုကြီး ဘယ်လိုတွေ ဗရုတ်သုတ်ခ နိုင်ခဲ့လဲဆိုတာ အားလုံး အသိပဲဖြစ်ပါတယ်။ အခု နောက်ဆုံးထွက်လာတဲ့ ဇာတ်ကားမှာတော့ ခေတ်လွန်ပြီး နန်းတွင်းထဲကို ရောက်သွားပါပြီ။ဇာတ်လမ်းအကျဉ်းလေးကတော့ နန်းတွင်းမှာ မိဖုရားခေါင်ကြီး ရုတ်တရက် လျှို့ဝှက်ဆန်းကြယ်စွာ အဆိပ်ခပ်ခံရပြီး သေသွားတာကနေ စထားပါတယ်။ ဒီအခါမှာတော့ နန်းတွင်းအမတ်တွေအားလုံး ဘာလုပ်ရမှန်းမသိဘဲ ပါးစပ်အဟောင်းသား ဖြစ်ကုန်ကြပြီး၊ ဒီအခြေအနေဆိုးကြီးကို ဘယ်လိုဖြေရှင်းရမလဲဆိုတာ ဝိုင်းဝန်းအဖြေရှာရပါတော့တယ်။ ဒီကိစ္စရဲ့အဖြေကတော့ မိဖုရားခေါင်နဲ့ တစ်ရုပ်တည်းတူတဲ့ ခေါင်းလောင်းပါတဲ့မမကို အခုခေတ်မှာ သွားရှာရမှာပါတဲ့။ ဒါ့အပြင် ဒီဖြစ်ရပ်ဆိုးကြီးရဲ့ နောက်ကွယ်က ကြိုးကိုင်နေသူဟာ ဘယ်သူလဲဆိုတဲ့ သဲလွန်စတွေကိုပါ လိုက်လံစုံစမ်းရတဲ့အခါမှာတော့…ဒါရိုက်တာ ပိုချ်အာနွန် ကိုယ်တိုင် ရိုက်ကူးထားပြီး၊ ပရိသတ်တွေ ရင်းနှီးပြီးသားဖြစ်တဲ့ နာမည်ကြီး ဟာသသရုပ်ဆောင်ကြီး Jaturong Mokjok နဲ့ Phunkorn Boonyachinda တို့က အဓိကပါဝင်အားဖြည့်ထားပါတယ်။Comedy အမျိုးအစားဖြစ်တဲ့အတိုင်း ပရိသတ်ကြီးအတွက် အူတက်အောင် ရယ်ရမယ့် ဇာတ်ကွက်တွေနဲ့ ပြည့်နှက်နေမှာ အသေအချာပါပဲ။ စိတ်အပန်းဖြေချင်တဲ့ အချိန်လေးမှာစာတန်းထိုးဖန်တီးမှု အလန်းစားတွေနဲ့အတူ ပေါ့ပေါ့ပါးပါး ကြည့်ရှုဖို့ အကောင်းဆုံး ရွေးချယ်မှုတစ်ခု ဖြစ်လာမှာပါ။