Girls' Generation အဖွဲ့ဝင် Sooyoung နဲ့ ဂျပန်မင်းသား Shunsuke Tanaka တို့ အဓိကပါဝင်သရုပ်ဆောင်ထားတဲ့ Memories of a Dead End ဆိုတဲ့ ကားလေးကိုတင်ဆက်ပေးလိုက်ပါတယ်။ယူမီနဲ့ထယ်ဂယူတို့ဟာ တွဲလာကြတာလေးနှစ်ကျော်ရှိပြီး စေ့စပ်ထားကြတဲ့ ချစ်သူစုံတွဲတွေပါ။ထယ်ဂယူတစ်ယောက် နောက်ပိုင်းယူမီ့ကို အဆက်အသွယ်မလုပ်ဘဲ နေတာကြောင့် ထယ်ဂယူအလုပ်လုပ်နေတဲ့ ဂျပန်ကို ယူမီတစ်ယောက်အလုပ်ပိတ်ရက်မှာ လိုက်လာခဲ့ပါတော့တယ်။အိမ်ထောင်ကျနေပြီဖြစ်တဲ့ ထယ်ဂယူကိုတွ့လိုက်ရတဲ့ ယူမီတစ်ယောက် စိတ်ညစ်ညစ်နဲ့ ခြေဦးတည့်ရာထွက်လာရင်း လမ်းကြားလေးတစ်ခုရဲ့အဆုံးက ကော်ဖီဆိုင်နဲ့တွဲဖွင့်ထားတဲ့ တည်းခိုဆောင်လေးတစ်ခုမှာ တည်းဖြစ်သွားခဲ့တယ်။အဲဒီမှာတည်းခိုရင်း ဆိုင်ရှင်ဖြစ်သူ နီရှီယာမာနဲ့ အနီးနားတစ်ဝိုက်က အိမ်နီးချင်းမိတ်ဆွေတွေရဲ့ နွေးထွေးမှု ရင်းနှီးဖော်ရွေမှုကြောင့် စိတ်သက်သာရာရလာပြီး သူ့ဘဝရဲ့ ပျော်ရွှင်မှု အစစ်အမှန်ကိုရှာတွေ့သွားတဲ့အကြောင်း ရိုက်ကူးတင်ဆက်ထားတဲ့ ဇာတ်ကားကောင်းလေးဖြစ်တာကြောင့် ကြည့်ရှုခံစားလိုက်ပါကြဦးရှင်။