အာတန် က DISCO ဆိုတဲ့ နိုင်ငံတကာလျှို့ဝှက်ထောက်လှမ်းရေးအဖွဲ့ကြီးမှာ အေးဂျင့် ၁၃ နဲ့ အလုပ်တွဲလုပ်နေပြီးတော့ နည်းပညာပိုင်းအကူအဖြစ် တာဝန်ယူရတဲ့သူပါ။ ဒါပေမဲ့ မစ်ရှင်တစ်ခုမှာတော့ အာတန့်ရဲ့ အမှားကြောင့် မစ်ရှင်ပျက်လုနီးပါးဖြစ်သွားပြီးတဲ့နောက်မှာတော့ DISCO ဘက်က အာတန့်ကို တာဝန်ကနေ ခဏအနားပေးပြီးတော့ အပန်းဖြေခရီးကို လွှတ်လိုက်ပါတော့တယ်။ ဒီလိုနဲ့ ဇနီးဖြစ်သူနဲ့ အပန်းဖြေခရီးထွက်လာရင်း သူတို့တည်းခိုတဲ့ဟိုတယ်မှာ ရာဇဝတ်ဂိုဏ်းနှစ်ဖွဲ့ တွေ့ဆုံဖို့လုပ်နေတဲ့အကြောင်း သတင်းရလိုက်ပါတယ်။ DISCO ဘက်ကလည်း တခြားအေးဂျင့်တွေ အချိန်မီမရောက်လာနိုင်တဲ့အတွက် ဟိုတယ်မှာရှိနေတဲ့ အာတန့်ကိုပဲ မစ်ရှင်ကို တာဝန်ယူခိုင်းလိုက်ပါတော့တယ်။ အာတန်နဲ့ ခရီးသွားရင်းတွေ့ခဲ့တဲ့ ဇာဖာတို့နှစ်ယောက် အလွဲလွဲအချော်ချော်တွေဖြစ်ရင်း ဒီအရေးကြီးတဲ့ မစ်ရှင်ကို အကောင်အထည်ဖော်နိုင်မလား ကြည့်ရှုရမှာပါ။