ဂျပန်ရုပ်ရှင်လောကရဲ့ ဂန္ထဝင် ဒါရိုက်တာကြီးဖြစ်တဲ့ Takeshi Kitano ကိုယ်တိုင် ဇာတ်ညွှန်းရေး၊ ဒါရိုက်တာလုပ်ပြီးတော့ ခေါင်းဆောင်မင်းသားအဖြစ် ပါဝင်သရုပ်ဆောင်ထားတဲ့ သွေးထွက်သံယိုဇာတ်ဝင်ခန်း ကြမ်းကြမ်းတွေနဲ့ အမိုက်စား ယာကူဇာ ဇာတ်ကားကောင်းလေးကို တင်ဆက်ပေးလိုက်ရပါတယ်။ တိုကျိုမြို့ရဲ့ ဩဇာအကြီးဆုံး ယာကူဇာဂိုဏ်းကြီးဖြစ်တဲ့ ဆန်နို-ကိုင်ဂိုဏ်းက ဥက္ကဋ္ဌကြီးဟာ သူ့လက်အောက်ခံ ဂိုဏ်းခွဲတစ်ခုဖြစ်တဲ့ အီကီမိုတိုဂိုဏ်းရဲ့ ဂိုဏ်းချုပ်က မူးယစ်ဆေးဝါးရောင်းဝယ်တဲ့ တခြားအဖွဲ့အစည်းတစ်ခုနဲ့ သွားရောက်ပတ်သက်နေတာကို မကျေနပ်တာကြောင့် သတိပေးစကားပြောရာကနေ ပြဿနာတွေ ဖြစ်ခဲ့ပြီး ဥက္ကဋ္ဌကြီးရဲ့ မျက်နှာသာပေးမှုကို ပြန်ရချင်တဲ့ အီကီမိုတိုဟာ သူကိုယ်တိုင်တော့ မထိခိုက်ချင်တာကြောင့် သူ့လက်အောက်က သစ္စာရှိတစ်ယောက်ဖြစ်တဲ့ အိုတိုမိုကို သူ့ကိုယ်စား ခေါင်းခံခိုင်းပါတော့တယ်။အဲဒီကနေစပြီး ဂိုဏ်းအချင်းချင်း နယ်မြေလုခြင်း၊ ငွေညှစ်ခြင်း၊ ရန်တိုက်ပေးခြင်း အစရှိတဲ့ ယာကူဇာတွေရဲ့ အမှောင်ဘက်ခြမ်းကိစ္စတွေကြားမှာ အသုံးချခံ အိုတိုမိုနဲ့ သူ့တပည့်တွေဟာ ယာကူဇာစစ်ပွဲကြားထဲမှာ မလွှဲမရှောင်သာရောက်ရှိသွားရာကနေ အိုတိုမိုတို့ ဘယ်လိုပုံစံနဲ့ လွတ်မြောက်အောင် ရုန်းထွက်ကြမလဲ ဆိုတာကို သွေးထွက်သံယို ဇာတ်ဝင်ခန်းများနှင့်အတူ ကြည့်ရှုရမဲ့ အက်ရှင် ယာကူဇာကားကောင်းတစ်ကားပဲ ဖြစ်ပါတယ်။