မိသားစု သံယောဇဉ်၊ညီအစ်ကိုကြားက ပြိုင်ဆိုင်မှုနဲ့ တာဝန်သိတတ်မှု ကြားကရုန်းကန်ရတဲ့ ကျေးလက်ဇာတ်ကားကောင်းလေးတစ်ကားကို တင်ဆက်ပေးလိုက်ပါတယ်။ဆင်းရဲနွမ်းပါးတဲ့လယ်သမားမိသားစုမှာ ကွန်ဒေရှီ ဆိုတဲ့ ကောင်လေးတစ်ယောက်ရှိပါတယ်။ ဖခင်ဖြစ်သူက ညီဖြစ်သူ ကိုဆူဒီ ကိုပဲ သိသိသာသာ မျက်နှာသာပေး အလိုလိုက်လွန်းတာကြောင့်ကွန်ဒေရှီတစ်ယောက် မိသားစုထဲမှာ အမြဲတမ်း အထီးကျန်ပြီး အားငယ်စိတ်တွေနဲ့ ရှင်သန်နေရသူ ဖြစ်ပါတယ်။တစ်ရက်မှာတော့ ညီအစ်ကိုနှစ်ယောက်ဟာ အိမ်က ကိုယ်ဝန်ဆောင်နွားမကြီးကို လမ်းလျှောက်ခေါ်သွားရင်းကနေ ပျောက်ဆုံးသွားခဲ့ပါတယ်။ သူတို့မသိလိုက်တာက နွားမကြီးဟာတခြားလယ်သမားတစ်ယောက်ရဲ့ စိုက်ခင်းထဲ ဝင်မွှေပြီး ဖျက်ဆီးပစ်လိုက်တာပါ။ ဖခင်ဖြစ်သူ အိမ်ပြန်မရောက်ခင် နွားမကြီးကို အမိအရ ပြန်ရှာတွေ့ဖို့အတွက် ကွန်ဒေရှီတစ်ယောက်အချိန်နဲ့လုပြီး အသည်းအသန် ကြိုးစားရပါတော့တယ်။ဒီလိုလိုက်လံရှာဖွေရင်း ကြုံတွေ့ရတဲ့ စိန်ခေါ်မှုတွေ၊ အခက်အခဲတွေကပဲ ကွန်ဒေရှီကို သူ့ရဲ့စိတ်ဒဏ်ရာတွေ၊ အားငယ်စိတ်တွေနဲ့ အက်ကြောင်းထပ်နေတဲ့ မိသားစုဆက်ဆံရေးကို ရဲရဲဝံ့ဝံ့ရင်ဆိုင်ကျော်လွှားနိုင်ဖို့ တွန်းအားပေးခဲ့ပုံတွေကို ရှုစားလိုက်ကြပါဦး။