ဒီဇာတ်ကားဟာ Sherlock Holmes သို့မဟုတ် တီဗီစုံထောက်ဇာတ်လမ်းဟောင်းတွေလိုမျိုး... သဲလွန်စအသေးအဖွဲလေးတွေကနေတစ်ဆင့် ဉာဏ်ကစားပြီး အမှုအဖြေရှာရတဲ့စုံထောက်ကားစစ်စစ်တွေကို ကြိုက်နှစ်သက်သူတွေအတွက် အကြိုက်တွေ့စေမယ့် ကားမျိုးပါ။ဇာတ်လမ်းကတော့ အမျိုးသမီးတစ်ဦးရဲ့ ခင်ပွန်းဖြစ်သူဟာ ထူးဆန်းစွာ သေဆုံးသွားခဲ့ရာကနေ စတင်ထားပါတယ်။ ဒေသခံရဲတပ်ဖွဲ့က အခင်းဖြစ်ပွားရာနေရာကို စစ်ဆေးပြီးနောက်... ဒါဟာစိတ်ဓာတ်ကျပြီး ကိုယ့်ကိုယ်ကိုယ် အဆုံးစီရင်သွားတာပဲလို့ ကောက်ချက်ချကာ အမှုကို အလွယ်တကူ ပိတ်ပစ်လိုက်ပါတယ်။ ဒါပေမဲ့ကျန်ရစ်သူ ဇနီးသည်ကတော့ သေချာပေါက်ဒါဟာသူ့ခင်ပွန်းမှာ သေရမယ့်အကြောင်းရင်းမရှိဘဲ တစ်စုံတစ်ယောက်က လုပ်ကြံသတ်ဖြတ်ခဲ့တာ ဖြစ်ရမယ်လို့ တထောက်ချ ယုံကြည်နေပါတယ်။ရဲတွေက ကူညီဖို့ ငြင်းဆန်လိုက်တဲ့အခါမှာတော့... သူမဟာ ညီအစ်ကိုနှစ်ယောက် ပူးပေါင်းဖွင့်လှစ်ထားတဲ့ ကိုယ်ပိုင်စုံထောက် အေဂျင်စီဆီကို ရောက်ရှိလာပြီး အကူအညီတောင်းပါတော့တယ်။ညီအစ်ကို စုံထောက်နှစ်ယောက်ဟာ အမှုဟောင်းကို ပြန်လည်လှန်လှောပြီး သဲလွန်စတွေကို တစ်ခုချင်းစီ လိုက်လံခြေရာခံရင်း... ရဲတွေ ဖုံးကွယ်ထားခဲ့တဲ့ အမှန်တရားတွေ၊ နောက်ကွယ်ကလျှို့ဝှက်ချက်တွေကို အသက်အန္တရာယ်ကြားကနေ စွန့်စွန့်စားစား ဖော်ထုတ်ရပါတော့တယ်။